Aýa raıy
Astana -16 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Karantınde Qazaqstannyń taý-ken kompanııalary quldyraǵan joq – Qaýymdastyq pikiri

2020 jyldyń 14 qazan 2020 18:34

NUR-SULTAN. QazAqparat – Respýblıkalyq taý-ken óndirýshi jáne taý-ken metallýrgııa kásiporyndary qaýymdastyǵynyń atqarýshy dırektory Nıkolaı Radostovets taý-ken óndirý salasynyń qazirgi ahýalyn baıandady, dep habarlaıdy QazAqparat tilshisi.

«Qıyn jaǵdaıda turaqtylyqty saqtap qana qoımaı, keı jerlerde óndiristi de arttyra aldyq. Bizde quldyraý joq. Óndiris úzdiksiz júretindikten, aıtarlyqtaı qıyn jaǵdaıǵa tap boldyq. Biz Taý-ken óndirýshi jáne taý-ken metallýrgııa kásiporyndary qaýymdastyǵynyń jedel shtabynda úzdiksiz jumys istedik, sanepıdemıologııalyq sharalardyń qatań saqtalýyn, olardyń tolyq kólemde júrgizilýin talap etetin jaǵdaılarda kásiporyndarǵa kómektestik. Árıne, qıyn boldy, aımaqtar, eldimekender jabyldy, standarttan tys áreket etýge týra keldi. Indýstrııa mınıstrligine, Úkimetke osyndaı sheshimderdi tapqany úshin rızamyz, óıtkeni biz vahtada júrgen qyzmetkerlerdi testileýden ótkize aldyq», - dep atap ótti Nıkolaı Radostovets «Qazaqstannyń taý-ken salasynyń jańa jaǵdaıy» onlaın konferentsııasynda.

Sonymen birge, spıker qosymsha jumys isteýge májbúr bolǵan sala qyzmetkerlerine rızashylyǵyn bildirdi.

«Búgin birqatar kelisimsharttarymyzdyń Eýropaǵa baǵyt alǵanyn kórip otyrmyz. Bul tek pandemııamen ǵana emes, kómirdi ákelýge engizilgen shekteýlerge de baılanysty. Sondyqtan Reseı metall men shıkizattyń keıbir túrlerin azyraq ala bastady. Jazda bul másele óte ózekti boldy jáne biz óz kásiporyndarymyzdy, ıaǵnı kólemniń bir bóligin Qytaıǵa baǵyttadyq. Ásirese Dostyq - Alashankoý baǵytyndaǵy tasymal qıyn boldy, onda vagondar men lokomotıvter keptelisi boldy. Biraq, QTJ ulttyq kompanııasy óte jedel jumys istedi jáne kómektese aldy», - dedi N. Radostovets.

Buǵan deıin QR Indýstrııa jáne ınfraqurylymdyq damý mınıstrligi Indýstrııalyq damý jáne ónerkásiptik qaýipsizdik komıtetiniń tóraǵasy Marat Qarabaev taý-ken óndirý kompanııalarynyń koronavırýs pandemııasynda qalaı jumys istegenin aıtyp berdi.


Avtor Aıjan Serikjanqyzy
Basty sózder: Ónerkásip, Koronavırýs,
Joǵary qaraı