Aýa raıy
Astana 12 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Karantınde kıim men kosmetıka alýshylar sany azaıdy

2020 jyldyń 28 shilde 2020 10:55

NUR-SULTAN. QazAqparat – Úkimet otyrysynda QR Tsıfrlyq damý, ınnovatsııalar jáne aeroǵarysh ónerkásibi birinshi vıtse-mınıstri Baǵdat Mýsın Qazaqstandaǵy eloektrondy saýda kórsetkishterin baıandady, dep habarlaıdy QazAqparat tilshisi.

«Pandemııa kezeńinde ınternet pen elektrondyq memlekettik qyzmetter birinshi satydaǵy qajettilikke aınaldy. Bul baǵyttaǵy jumystardy ári qaraı jalǵastyramyz. Odan basqa, adamdardyń karantın normalaryn saqtaýyna áser etetin mańyzdy servıs – elektrondy kommertsııa bolyp sanalady. Bıyl biz osy salanyń qarqyndy damýyn baıqap otyrmyz», - dep atap ótti vıtse-mınıstr.

Osy jylǵy alty aıda ınternet dúkenderinde 20 mln jýyq taýar satyp alyndy. Qazaqstandyq ınternet dúkenderden alynǵan taýarlar sany bıyl 7 mıllıonnan 14 mıllıonǵa deıin eki esege ósti.

«Karantın kezeńindegi naryqty qarasaq, adamdardyń alatyn taýarlar sanaty ózgerdi. Kıim men kosmetıkany satyp alýdyń tómendeýi baıqaldy. Biraq, azyq-túlik, dári-dármek jáne balalar taýarlaryn kóbirek satyp ala bastady.

Qazaqstanda pandemııa kezinde ózekti bolyp tabylatyn kóptegen taýar pozıtsııalarynyń óndirisi bar ekenin atap ótý qajet. Tıisinshe, qazaqstandyq óndirýshilerdi onlaın satýǵa shyǵarý boıynsha belsendi jumys isteý usynylady», - deıdi B. Mýsın.

Karantın sebebinen fýdteh jáne farmteh baǵyttary álemdegideı Qazaqstanda da belsendi ósýde.

«Óńirlerde azyq-túlik ónimderiniń onlaın servısteriniń paıda bolýy mańyzdy. Bul úshin jergilikti kásipkerlerdi onlaın satýǵa úıretemiz. Sondaı-aq, farmatsevtıka segmentinde antıbıotıkterdi onlaın satyp alýda kedergiler bar, sebebi onlaın retseptýranyń bolýyn talap etedi. Ol úshin biz Densaýlyq saqtaý mınıstrligimen jumys istep, onlaın retseptiler júıesin damytamyz», - dedi Baǵdat Mýsın.

Aıta keteıik, Úkimet otyrysynda QR Premer-Mınıstri Asqar Mamın elektrondy saýdany jolǵa qoıý boıynsha birqatar tapsyrma berdi.



Joǵary qaraı