Aýa raıy
Astana -13 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Karantındi buzǵan astana turǵyndary men kásipkerler 124 mln teńge aıyppul tóledi

2020 jyldyń 27 qazan 2020 02:19

NUR-SULTAN. QazAqparat - 19-25 qazan aralyǵynda elordada mobıldi toptar karantın talaptaryn buzǵan 133 nysandy anyqtady, dep habarlaıdy QazAqparat tilshisi.

«Karantın tártibin saqtamaǵan shaǵyn jáne orta bıznes sýbektileri, qala turǵyndary 124 mln teńge aıyppul tóledi. Qalada polıtsııa qyzmetkerleri, SES ókilderi jáne volonterler kásipkerler men turǵyndardyń sanıtarlyq normalardy saqtaýyn tekserýde», - dedi Polıtsııa departamentinen.

Málim etilgendeı, 25 qazan kúni túnde patrýldeý kezinde polıtsııa qyzmetkerleri Kúıshi Dına kóshesindegi «SOVA» karaoke-barynyń aldynda bir top adamdy baıqaǵan.
«Mekeme aldynda turǵan adamdar avtopatrýldiń jaqyndap kele jatqanyn kórip, ózderi karantındi buzǵanyn bilip, ınspektorlardan jasyryný úshin ǵımaratqa júgirip kirgen. Mekeme ıesine qatysty jınalǵan materıal protsessýaldyq sheshim qabyldaý úshin Taýarlar men kórsetiletin qyzmetterdiń sapasy men qaýipsizdigin baqylaý departamentine jiberildi. «SOVA» karaoke-bary buǵan deıin de birneshe ret karantın rejımin buzǵan bolatyn», - dep atap ótti Polıtsııa departamentinen.
Barlyǵy 19-25 qazan aralyǵynda Almaty aýdanyn aralaý kezinde 50 buzýshylyq anyqtaldy, Baıqońyr aýdanynda - 32, Esil aýdanynda - 40, Saryarqa aýdanynda - 51.
Tártip saqshylary «Ankara» meıramhanasynda da zań buzýshylyqtardy anyqtady.
«Mekeme sanıtarlyq dárigerdiń qaýlysyn buza otyryp, saǵat 01.11 keıin jumys istedi, ǵımaratta 40 klıent bolǵan. Dál osyndaı zań buzýshylyq faktisi «Shıshka» laýndj-bary men «Obahı» jáne «Dostar» oıyn klýbtarynda anyqtaldy. Jınalǵan materıaldar protsessýaldyq sheshimder qabyldaý úshin Nur-Sultan qalasynyń Taýarlar men kórsetiletin qyzmetterdiń sapasy men qaýipsizdigin baqylaý departamentine jiberildi», - delingen aqparatta.

Taratylǵan aqparatyna sáıkes, bıylǵy 5 shilde men 26 qazan aralyǵynda mobıldi toptar barlyǵy 2860 reıdtik is-shara ótkizdi.
Nur-Sultan qalalyq Polıtsııa departamenti azamattar men mekemelerdiń ıelerine karantındik rejım jalǵasatynyn, bas sanıtarlyq dáriger qaýlysynyń talaptaryn qatań saqtaý, maska taǵý jáne araqashyqtyqty saqtaý qajettigin eskertedi. Tártip buzýshylar qoldanystaǵy zańnamaǵa sáıkes jaýapqa tartylady.


Joǵary qaraı