Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Karantındi jeńildetý: Almatyda 11 aýrýhana qalypty jumys rejımine kóshirildi

2021 jyldyń 25 qazan 2021 22:50

ALMATY. QazAqparat – Almatyda 11 aýrýhana qalypty jumys yrǵaǵyna qaıta kóshti, dep habarlaıdy QazAqparat tilshisi.

Almaty qalalyq Qoǵamdyq densaýlyq basqarmasynyń málimetinshe, megapolıste koronavırýspen aýyrǵan naýqastardy aýrýhanaǵa jatqyzý tómendegen. Nátıjesinde 11 emdeý mekemesi qalypty jumys rejımine oraldy. «Qalada koronavırýs ınfektsııasyn juqtyrǵan naýqastar sanynyń azaıýyna baılanysty, ınfektsııalyq statsıonarlar, kópbeıindi aýrýhanalar aqyryndap qalypty jumysyna oralyp jatyr. Sonymen, «Teri-venerologııalyq dıspanseri», «Qalalyq revmatologııalyq ortalyq», «HAK Medical» klınıkalyq statsıonary, «B. Jarbosynov atyndaǵy ǵylymı ýrologııa ortalyǵy», «Qalalyq jedel járdem aýrýhanasy», «Almaty temirjol emhanasy», № 4 jáne №7 qalalyq klınıkalyq aýrýhanasy, «Ortalyq qalalyq klınıkalyq aýrýhanasy», «Qalalyq kardıologııa ortalyǵy», «Psıhıkalyq densaýlyq ortalyǵy» koronavırýspen aýyratyn naýqastardy kútý júıesinen alynady»,- dep habarlady basqarmanyń baspasóz qyzmetinen.

Aıta keteıik, 25 qazandaǵy jaǵdaı boıynsha Qazaqstan óńirlerindegi epıdemıologııalyq ahýaldy baǵalaý matrıtsasyna sáıkes Almaty qalasy «qyzyl» aımaqtan shyǵyp, «sary» aımaqqa ótti.

Shekteý sharalary eldiń bas memlekettik sanıtarlyq dárigeriniń qaýlysyna sáıkes 7 kún boıy jalǵasady. Báseńdeý nemese kúsheıtý máseleleri qaladaǵy epıdemıologııalyq ahýaldyń damýyna baılanysty qaralatyn bolady.

Joǵary qaraı