Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Qarapaıym zattar ekonomıkasy» baǵdarlamasynyń merzimi uzartyldy

2021 jyldyń 9 qyrkúıek 2021 22:31

NUR-SULTAN. QazAqparat - Memleket basshysynyń «Halyq birligi jáne júıeli reformalar – el órkendeýiniń berik negizi» atty halyqqa Joldaýynda bergen tapsyrmasy boıynsha Qazaqstanda «Qarapaıym zattar ekonomıkasy» baǵdarlamasy sheńberinde shaǵyn jáne orta bıznesti qoldaý 2022 jylǵa deıin uzartyldy, dep habarlaıdy QazAqparat Ulttyq ekonomıka mınıstrligine silteme jasap.

«Qarapaıym zattar ekonomıkasy» baǵdarlamasynyń jobalaryn qarjylandyrýdyń jalpy somasy - 1 trln teńge. Bul rette agroónerkásiptik keshendegi óńdeýge 300 mlrd teńge, AÓK-tegi óndirýge 300 mlrd teńge, óńdeý ónerkásibi men kórsetiletin qyzmetterge 400 mlrd teńge kózdeledi.

Aıta ketý kerek, qarjylandyrýdy QR Ulttyq banki óz qarajaty jáne basqarýyndaǵy qarajat esebinen usynady. Baǵdarlamanyń operatorlary –ekinshi deńgeıdegi bankter jáne «Agrarlyq nesıe korporatsııasy» AQ.

Budan basqa, «Bıznestiń jol kartasy-2025» baǵdarlamasy jumysyn jalǵastyrady.

Eske salsaq, «Qarapaıym zattar ekonomıkasy» 2019 jyldan bastap júzege asyrylyp keedi jáne ol kredıt boıynsha paıyz mólsherlemesiniń bir bóligin sýbsıdııalaýdy jáne kredıtke kepildik berýdi qarastyrady. Sońǵy qaryz alýshy úshin mólsherleme 6%-ǵa deıin tómendetildi. Kredıtteý merzimi 10 jyldan aspaıdy. Kredıt somasyna shekteý joq.

«BJK-2025» baǵdarlamasymen 2020 jyldan bastap salalyq shekteýsiz jyldyq 6% mólsherlememen, 5 jyl merzimge, kredıt somasy 7 mlrd teńgege deıin jeńildetilgen kredıt beriledi.

«BJK-2025-ti» qoldaýdyń negizgi qarjy quraldaryna paıyz mólsherlemesin sýbsıdııalaý jáne kásipkerlerdiń kredıtine kepildik berý, memlekettik grant berý, sondaı-aq bıznes jobalaryna jetispeıtin ınjenerlik ınfraqurylymdy jetkizý kiredi. Kásipkerlerdi qarjysyz qoldaýmen bıznesti júrgizýdi oqytý jáne bolashaq jáne isin jańa bastaǵan kásipkerlerdi konsýltatsııalyq súıemeldeý boıynsha jobalar kesheni kózdelgen.

«BJK-2025» jáne «Qarapaıym zattar ekonomıkasy» baǵdarlamalaryn iske asyrýdyń barlyq kezeńinde shaǵyn jáne orta kásiporyn sýbektileri 106 myńnan astam jańa jumys ornyn qurǵan. 36 trln teńge ónimder men qyzmetter shyǵarylyp, jalpy somasy 2,3 trln teńgege bıýdjetke salyq tólendi.


Joǵary qaraı