Aýa raıy
Astana -25 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

«Qarapaıym zattar ekonomıkasy»: Batys Qazaqstanda 215 joba maquldandy

2020 jyldyń 22 qazan 2020 14:16

ORAL. QazAqparat – «Qarapaıym zattar ekonomıkasy» jeńildetilgen nesıeleý baǵdarlamasy aıasynda Batys Qazaqstan oblysynda 16 565,1 mln teńgeni quraıtyn 215 joba maquldandy, dep habarlaıdy QazAqparat tilshisi.

BQO kásipkerlik jáne ındýstrıaldyq-ınnovatsııalyq damý basqarmasy basshysynyń orynbasary Maqsat Qulanbaevtyń óńirlik kommýnıkatsııalar qyzmeti alańynda ótken brıfıngte málim etkenindeı, oblysta kásipkerlerdi memleket tarapynan qoldaý maqsatynda tıisti sharalar atqarylyp keledi.

Bıylǵy 1 qazandaǵy málimet boıynsha óńirde jumys istep turǵan 42760 shaǵyn jáne orta kásipkerlik nysany tirkelgen, bul ótken jylǵydan (42536) 0,5 paıyzǵa joǵary.

Jyldyń basym bóliginde kúsheıtilgen karantındik sharalarǵa qaramastan, kásipkerlik sany 43,1 myń deńgeıinde saqtalady dep boljanýda.

Maqsat Meıramǵalıulynyń sózine qaraǵanda, «Qarapaıym zattar ekonomıkasy» salalaryn damytý jóninde jobalyq keńse qurylyp, onyń quramyna jergilikti atqarýshy organdar, «Damý» kásipkerlikti damytý qory, «Agrarlyq nesıe korporatsııasy» AQ, ekinshi deńgeıli bankter jáne kásipkerlik qaýymdastyq ókilderi endi.

Óńirde júzege asyryla bastaǵan 215 jobamen qatar «Eńbek» baǵdarlamasy aıasynda qalalyq jerlerdi nesıeleý úshin respýblıkalyq bıýdjetten 500 mln teńge, kepildeme berýge 36 mln teńge bólindi.

Kúni búgin 105,5 mln teńgeniń 15 shaǵyn nesıesi berildi.

Kepildeme boıynsha 10,8 mln teńgege 8 kelisimshartqa qol qoıyldy.

Basqarma basshysy orynbasarynyń aıtýynsha, «Bıznestiń jol kartasy – 2025» memlekettik baǵdarlamasy aıasynda bıyl 1 765,3 mln teńge qarastyryldy. Sonyń ishinde nesıeler boıynsha paıyzdyq mólsherlemeni sýbsıdııalaýǵa 1 532,4 mln teńge, nesıeni kepildendirýge 146,9 mln teńge, granttyq qarjylandyrýǵa 86 mln teńge berildi.

«Kásipkerler bul baǵdarlamaǵa úlken ynta-yqylas tanytyp keledi. Mysaly, ınnovatsııalyq grant alý úshin 233 ótinim tústi. Búginnen bastap jasy 29-ǵa deıingi kásipkerlerden qujat qabyldaımyz», dedi QazAqparat tilshisine M.Qulanbaev.

Elimizde indetke baılanysty tótenshe jaǵdaı jarııalanýyna oraı daǵdarysqa qarsy sharalardy júzege asyrý úshin qosymsha 1 891,3 mln teńge, sonyń ishinde nesıeler boıynsha paıyzdyq mólsherlemeni sýbsıdııalaýǵa 1562 mln, nesıelerdi kepildendirýge 329,3 mln teńge qaralǵan bolatyn.

Qazirgi tańda bólingen barlyq qarjynyń 2 403,1 mln teńgesi ıgerildi.

«Karantındik shekteý sharalary kezinde de azyq-túlik ónimderin óndirýdiń báseńdemeıtinin ýaqyt kórsetip otyr.

Barlyq ónerkásip salasyn órkendetý baǵytynda jańa jobalardy qolǵa alý úshin kásipkerlermen birlese jumys jasaı berýge daıynbyz», dedi M.Qulanbaev.

Eske sala keteıik, budan buryn BQO medıtsına mekemelerinde qorǵanys quraldarynyń 1,5 aılyq qory bar ekendigin jazǵan bolatynbyz.



Joǵary qaraı