Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qarasaı aýdanynda muǵalimderden aqsha jınamaq bolǵan bilim bóliminiń meńgerýshisi jumystan shyǵaryldy

2021 jyldyń 15 qyrkúıek 2021 13:36

TALDYQORǴAN. QazAqparat - Almaty oblysynda mektep qajettiligine muǵalimderden aqsha jınamaq bolǵan meńgerýshi jumystan qýyldy. Oqıǵa Qarasaı aýdanynda bolǵan, dep habarlaıdy QazAqparat tilshisi.

«Altyn aýylyndaǵy orta mektep muǵalimderiniń aıtýynsha, Qarasaı aýdany boıynsha tárbıe isi jónindegi oqý isiniń meńgerýshisi atalǵan mektep muǵalimderinen 60-80 myń teńgeden bastap aqsha talap etken. Qarajat muǵalimderdiń jalaqysynan mekteptiń qajettilikteri úshin jınalatynyn jetkizgen. Talqylaýdan keıin joǵaryda atalǵan oqý meńgerýshisi qyzmetinen bosatyldy, dırektor tártiptik jaýapkershilikke tartyldy», - delingen Qazaqstan Respýblıkasynyń Sybaılas jemqorlyqqa qarsy is-qımyl agenttiginiń Almaty oblysy boıynsha departamenttiń baspasóz qyzmeti taratqan habarlamada.

Departamenttiń málimetinshe, para alý derekteri áli de bilim, aýylsharýashylyǵy jáne jer qatynastary salasynda jıi kezdesip otyr.

«Jalpy, bilim berý salasyndaǵy sybaılas jemqorlyq deńgeıi burynǵysynsha turaqty joǵary. Atalǵan fakti Call-ortalyqqa kelip túsken ótinishterdiń sanynyń kóptigi boıynsha dáleldenedi. Qazir arnaıy 1424 Call-ortalyqqa túsken barlyq ótinishtiń jartysynan kóbi bilim berý júıesine tıesili», - dep tolyqtyrdy atalǵan vedomstvonyń baspasóz qyzmetinen.


Joǵary qaraı