Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qarasaı aýdanynyń prokýratýrasy 150 balabaqshanyń zańsyz tekserilýin toqtatty

2022 jyldyń 26 mamyr 2022 10:31

TALDYQORǴAN. QazAqparat - Almaty oblysyndaǵy Qarasaı aýdanynyń prokýratýrasy 150 balabaqshanyń zańsyz tekserilýin toqtatty, - dep habarlaıdy QazAqparat tilshisi.

Búgin Qarasaı aýdandyq prokýratýrasy «Atameken» UKP-ń aýdandyq alańynda jergilikti, baqylaýshy jáne quqyq qorǵaý organdarymen kásipkerlerdiń quqyǵyn qorǵaý boıynsha jıyn ótkizdi. Bıyldyń ózinde mobıldi toptyń senim telefonyna 14 habarlama túsip, onyń 13-i boıynsha prokýrordyń qadaǵalaý sharalary qoldanylǵan.

«Máselen, veterınarlyq ınspektorlar tarapynan et satýmen aınalysatyn tulǵalardan saraptama jasaý úshin etti tegin alý tájirıbesi toqtatyldy. 150 jekemenshik balabaqshaǵa qatysty josparlanyp jatqan tekserýdiń kúshi joıyldy, bir kózden satyp alynǵan 30-dan asa kelisim-shart toqtatyldy jáne osyǵan oraı, taýarlar konkýrs jáne besekelestik arqyly satyp alyndy»,- delingen Qarasaı aýdany prokýratýrasynyń habarlamasynda.

Vedomstvonyń aqparatyna sáıkes, sharýa qojalyqtary úshin mal jaıylymdarynyń azdyǵy - mańyzdy problemanyń biri. Aýdan prokýratýrasy jergilikti atqarýshy organdarmen birlesip, 4 myń gektardan asa jaıylym jerdi rezevrke qoıǵan. Endi ol jerde mal jaıylatyn bolady.

Aıta keteıik, Qarasaı aýdany prokýratýrasy kásipkerlerdiń quqyǵyn qorǵaý mobıldi tobynyń nómiri - 8-771-001-01-10 (24/7). Osy nomerge zańsyzdyqqa tap bolǵan kásipkerler habarlasa alady.


Avtor Samal Qabysheva
Basty sózder: Almaty oblysy, Prokýratýra, Zań,
Joǵary qaraı