Aýa raıy
Astana 3 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Qarataýda terezeden qulaǵan 10 jastaǵy balaǵa qatysty oqıǵany polıtsııa tekserip jatyr

2020 jyldyń 10 tamyz 2020 01:10

TARAZ. QazAqparat – Qarataýda terezeden qulaǵan 10 jasar D.-ǵa qatysty is tergelýde, dep habarlaıdy QazAqparat tilshisi.

1 tamyz kúni aldyn-ala málimetter boıynsha patronattyq otbasynda turatyn bala páterdiń ekinshi qabatynyń terezesinen qulap ketken. Qazirgi tańda bala aýrýhanaǵa jatqyzylǵan, jaǵdaıy turaqty. Atalǵan másele qamqorshylyq organdarynyń baqylaýynda. Bul týraly oblystyq Polıtsııa departamentiniń baspasóz qyzmeti habarlady.

«Jambyl oblysynyń polıtsııa departamenti QR QK 141-baby 1-bóligi «Balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tıisinshe oryndamaý» boıynsha sotqa deıingi tergeýdi bastady. Qajetti saraptamalar taǵaıyndaldy. Sotqa deıingi tergeý nátıjeleri boıynsha protsessýaldyq sheshim qabyldanady»,-delingen vedomstvo habarlamasynda.

Qazirgi ýaqytta D. oblystyq kópsalaly balalar aýrýhanasynda em qabyldaýda.

«Balanyń bul oqıǵasy árqaısymyzdyń jan dúnıemizge áser etti. Bárimizdiń úıimizde balalarymyz ben nemerelerimiz kútip otyr. Olar bizdiń meıirimimiz ben qamqorlyǵymyzǵa zárý. Japa shekken balaǵa da qazir shynaıy jylýlyq pen qoldaý qajet. Sol sebepti biz balaǵa qoldaý kórsetýdi jalǵastyra beretin bolamyz - dedi Jambyl oblysy Polıtsııa departamenti basshysynyń orynbasary Temirbek Orazymbetov.


Avtor Qajy Murat
Basty sózder: Oqıǵa, Jambyl oblysy,
Joǵary qaraı