Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Karateden Olımpıadaǵa 5 sportshy qatysatyn boldy

2021 jyldyń 15 maýsym 2021 23:16

NUR-SULTAN. QazAqparat - Halyqaralyq karate federatsııasy (WKF) Olımpıadalyq reıtıng boıynsha Tokıo Olımpıadasyna joldama alǵan sportshylar tizimin jarııalady, dep habarlaıdy QazAqparat Olympic.kz saıtyna silteme jasap.

Halyqaralyq karate federatsııasynyń aqparatyna sáıkes, qazaqstandyq sportshylar Sofıa Berýltseva (+75 keli) men Danııar ıÝldashev (+61 keli) qurlyqtyq joldamaǵa ıe bolyp, Qazaqstan qorjynyna qos joldamany alyp keldi.

Osylaısha, karateden Qazaqstan quramasynda Tokıo Olımpıadasyna 5 joldama bar.

Tórtjyldyq dodasyna joldamany alǵashqy bolyp Darhan Asadilov ıelendi. Ol reıtıngide qarsylasynan 1000 upaı alda bolǵandyqtan, lıtsenzııany merziminen buryn aldy.

Al Móldir Jańbyrbaı (50 keli) men Nurqanat Ájiqanov (75 keli) joldamany Parıjde ótken lıtsenzııalyq jarysta jeńip aldy.

Esterińizge sala keteıik, karate Olımpıada oıyndarynyń baǵdarlamasynda alǵash ret usynylǵan. Karateden jarystar 6-8 tamyz aralyǵynda ótedi. Tokıo Olımpıadasyna barlyǵy 34 elden 82 karateshi (40 áıel jáne 42 er adam) qatysady. Onyń ishinde 61 kýmıteden jáne 21 kata boıynsha baq synaıdy. Olımpıadaǵa irikteý eki jylǵa sozyldy. Reıtıngilik jarystarda sportshylar upaı jınady.

Aıta keteıik, qazirgi tańda Qazaqstan qorjynynda 26 sport túrinen 72 joldama bar.


Basty sózder: Sport, Qoǵam, Olımpıada,
Joǵary qaraı