Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kárim Másimovti qamaýda ustaý merzimi taǵy da uzartyldy

2022 jyldyń 12 mamyr 2022 14:32

NUR-SULTAN. QazAqparat - Ulttyq qaýipsizdik komıtetiniń burynǵy tóraǵasy Kárim Másimovti qamaýda ustaý merzimi taǵy bir aıǵa uzartyldy. Bul týraly Ulttyq qaýipsizdik komıtetiniń baspasóz qyzmeti málim etti, dep habarlaıdy QazAqparat tilshisi.

Osyǵan deıin ony qamaýda ustaý merzimi 2022 jyldyń 6 mamyryna deıin uzartylǵan edi.

Ulttyq qaýipsizdik komıtetiniń tergeý toby K. Másimovke, Á. Sadyqulovqa, D. Erǵojınge jáne basqa da kúdiktilerge qatysty tergeý amaldaryn jalǵastyryp jatyr.

«Ulttyq qaýipsizdik komıteti burynǵy tóraǵasy K. Másimov pen UQK tóraǵasynyń burynǵy orynbasary Á. Sadyqulovty qamaýda ustaý merzimi 2022 jyldyń 6 maýsymyna deıin, sondaı-aq taǵy bir orynbasary bolǵan D. Erǵojındi qamaýda ustaý 13 maýsymǵa deıin uzartyldy», - delingen habarlamada.

Budan buryn habarlanǵandaı, Ulttyq qaýipsizdik komıtetiniń burynǵy tóraǵasy Kárim Másimovke qatysty osy jyldyń 6 qańtarynda UQK Qazaqstan Respýblıkasy Qylmystyq kodeksiniń 175-baby 1-bóligimen memleketke satqyndyq faktisi boıynsha sotqa deıingi tergeý bastaldy.

Bıyl naýryz aıynda Bas prokýror Berik Asylov Ulttyq qaýipsizdik komıtetiniń burynǵy tóraǵasy men onyń úsh orynbasaryna, eki bólimshe bastyǵyna qatysty birneshe is qozǵalyp, tergelip jatqanyn aıtty.


Joǵary qaraı