Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qarmaqshy aýdanynda ekpe qabyldaýǵa qabiletti turǵyndar tolyqtaı vaktsına saldyrdy - Qyzylorda

2021 jyldyń 27 qazan 2021 05:30

QYZYLORDA. QazAqparat - Qyzylorda oblysy Qarmaqshy aýdanynda ekpe qabyldaýǵa qabiletti turǵyndar tolyqtaı vaktsına saldyrdy. Osylaısha oblysta mundaı mejeni oryndaǵan ekinshi aýdan qataryna engizildi , dep habarlaıdy QazAqparat tilshisi.

Atalǵan aýdanda jospar boıynsha ekpe qabyldaýǵa qabiletti 19178 adam bar ekeni esepke alyndy. Búginde atalǵan meje tolyqtaı oryndaldy. Budan buryn mundaı mejeni Jalaǵash aýdany turǵyndary tolyqtaı oryndap shyqqan edi.

Aýdan turǵyndary arasynda 12 myńnan astam adam «Spýtnık V» vaktsınasyn tańdady. Sondaı-aq, jurtshylyq «CoronaVac», «QazVac», «Hayat-Vax» vaktsınasy boıynsha ekpe qabyldady. Ekpe qabyldaǵan azamattar qatarynda zeınetkerler, medıtsına mamandary, stýdentter, memlekettik qyzmetkerler, muǵalimder, polıtsııa jáne ózge de azamattar bar.

Óńirde indet tirkelgennen bastap 18639 adam koronavırýs juqtyrdy. Ótken táýlikte 11 jaǵdaı anyqtaldy. Jalpy emdelip shyqqany 96 paıyzdy quraıdy (17865 adam). Oblys boıynsha ınfektsııalyq statsıonarda – 197 naýqas (júkteme 35 paıyz), reanımatsııalyq tósek-orynda 26 naýqas em qabyldaýda (júkteme 34 paıyz). Qazirgi tańda №1 qalalyq emhana, Jalaǵash, Qarmaqshy aýdandary koronavırýsqa qarsy ekpeni salyp aıaqtady.

Búgingi tańda aımaǵymyzda KVI-ǵa qarsy ımmýndaý naýqanyna 106 ekpe kabıneti, onyń ishinde aýdandarda 91 kabınet tartylǵan.

Vedomstvo málimetinshe, oblysta vaktsınanyń birini komponentimen egilgender sany – 355 594 adam. Ol ekpe qabyldaýǵa qabiletti turǵyndardyń 78,6 paıyzyn quraıdy. Al ekinshi komponentpen 286 447 adam (63,3 paıyz) qamtyldy.


Joǵary qaraı