Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qarjy pıramıdasyn qurýǵa qatysqan blogerler men vaınerler jazaǵa tartylýy múmkin

2021 jyldyń 6 shilde 2021 19:50

NUR-SULTAN. QazAqparat - Bas prokýratýra qarjy pıramıdasyn qurýǵa qatysy bar vaınerler men blogerlerdi jaýapqa tartý máselesin pysyqtap jatyr, dep habarlaıdy QazAqparat.

Bul týraly elimizdiń Bas prokýrory Ǵızat Nurdáýletov Májilis depýtattarynyń saýalyna bergen jaýabynda aıtty.

«Baıandalǵanmen qatar, tergeý barysynda blogerlerdiń, vaınerlerdiń jəne basqa da ataqty adamdardyń qarjy pıramıdasyn qurýǵa qatystylyǵy anyqtalǵan jaǵdaıda qylmystyq qýdalaý organdary olardyń əreketterine tıisti quqyqtyq baǵa berý jəne kómekteskeni úshin qylmystyq jaýapqa tartý týraly məseleni sheshý qajettigine baǵdarlanǵan», - dep jazylǵan jaýapta.

Onyń aıtýynsha, Qylmystyq kodekstiń 28-baby 5-bóligi buǵan múmkindik beredi.

«Qarjy pıramıdalaryna qarsy is-qımyl boıynsha tıimdi sharalar əzirleý úshin quramynda Bas prokýratýra, ІІM, Qarjymıni, AQDM, Ulttyq Bank ókilderi bar vedomstvoaralyq jumys toby qurylǵanyn habarlaımyz. Jumys toby aıasynda azamattyq qoǵam ınstıtýttaryn tarta otyryp, yntymaqtastyq týraly memorandým əzirlenip, medıa-jospar bekitildi», -delingen Bas prokýrordyń jaýabynda.

Sondaı-aq, ol jeke tulǵalardyń qarjy uıymdaryn jarnamalaýǵa zańnamalyq tyıym salýdy engizý máselesi de qaralyp jatqanyn aıtady.

«Bıyl 4 naýryzda zańdylyqty, quqyqtyq tərtipti jəne qylmysqa qarsy kúresti qamtamasyz etý jónindegi úılestirý keńesi otyrysynda osy másele talqylanyp, jaýapty memlekettik organdarǵa birqatar usynymdar berildi», - dedi Ǵızat Nurdáýletov Májilis ókilderine bergen jaýapta.


Joǵary qaraı