Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qarjy pıramıdasyn jarnamalaǵan «juldyzdar» nege jazalanbaıdy

2021 jyldyń 6 shilde 2021 18:25

NUR-SULTAN. QazAqparat - Bas prokýror Ǵızat Nurdáýletov Májilis depýtattaryna qarjy pıramıdalaryn jarnamalaǵan tanymal adamdar nege jaýapqa tartylmaıtynyn túsindirdi, dep habarlaıdy QazAqparat.

«Shynynda da, qarjy pıramıdasyn uıymdastyrýshylar óz qyzmetin jarnamalaý úshin ataqty adamdardy tartqan. Formaldy túrde olardyń əreketterinde Ákimshilik quqyq buzý týraly kodekstiń 150-baby (qarjylyq (ınvestıtsııalyq) pıramıda qyzmetin jarnamalaý) quqyq buzýshylyqtyń quramy baıqalady. Alaıda qylmystyq is boıynsha úkim shyqqanǵa deıin uıymnyń qarjy pıramıdasy bolyp tabylatynyn nemese tabylmaıtynyn anyqtaý múmkin emes. Osyǵan baılanysty, jarnamalaý kezinde joǵaryda atalǵan uıymdar qarjy pıramıdalary bolyp tanylmaǵan. Sondyqtan Ákimshilik quqyq buzý týraly kodekstiń 150-baby boıynsha medıalyq tulǵalardy əkimshilik jaýapkershilikke tartý úshin quqyqtyq negiz joq», -dep jazylǵan depýtattyq saýalǵa joldanǵan jaýapta.

Ǵızat Nurdáýletov depýtattarǵa bergen jaýabynda Almaty qalasynda tirkelgen osy sıpattaǵy oqıǵanyń qazir qalaı órbip jatqanyn da baıandaǵan.

«Bıylǵy səýir-mamyr aılarynda Almaty qalasynyń polıtsııa departamentine qarjy pıramıdasyn qurý jəne basqarý («Astex.kz» JShS, «ACD technology» JShS jəne «Mýdaraba» JShS) faktisi boıynsha K. esimdi azamatqa qatysty sharalar qabyldaý týraly aryzdar kelip túsken. Qylmystyq kodekstiń 217-baby 3-bóliginiń 2-tarmaǵy boıynsha sotqa deıingi tergeý bastaldy. Joǵaryda atalǵan adam ustalyp, ýaqytsha ustaý ızolıatoryna qamaldy. Tergeý jalǵasýda», - delingen jaýapta.


Joǵary qaraı