Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qarjy retteýshisi lombardtar men mıkroqarjylyq uıymdarǵa 5,7 mln teńge aıyppul saldy

2021 jyldyń 20 qańtar 2021 12:10

ALMATY. QazAqparat – QR Qarjy naryǵyn retteý jáne damytý agenttigi 2020 jylǵy jeltoqsanda halyqpen ózara is-qımyl jasaıtyn qarjy jáne ózge de uıymdardyń jarnama qyzmetine júıelik monıtorıng júrgizdi, dep habarlaıdy QazAqparat tilshisi.

Agenttik mıkroqarjy uıymdary men lombardtarǵa qatysty jalpy somasy 5,7 mln teńgege aıyppul salý týraly 30 ákimshilik jaza qoldanyp, 9 jazbasha uıǵarym shyǵardy.

«TAS CREDIT» mıkroqarjy uıymy» JShS-ǵa buqaralyq aqparat quraldarynda (BAQ) jarııalanǵan kúngi qyzmetine sáıkes kelmeıtin jarnamany taratý nemese ornalastyrý túrindegi ákimshilik quqyq buzǵany úshin 416 700 teńge aıyppul salyndy.

QR zańnamasynda belgilengen tártippen eseptelgen jyldyq tıimdi syıaqy mólsherlemesiniń mólsherin kórsetpeý túrindegi ákimshilik quqyq buzǵany úshin «Lombard «Pıatachok» JShS-ǵa, «Lombard Doverıe» JShS-ǵa, «0,18% Lombard» JShS-ǵa, «Altyn Lombard» JShS-ǵa, «Lombard Kredıt kz» JShS-ǵa, «LOMBARD STOLIChNYI KZ» JShS-ǵa, «Tez Lombard» JShS-ǵa, «Tsıfra Lombard» JShS-ǵa, « Ekspress zaım MQU» JShS-ǵa, «Lombard «Srochno dengı» JShS-ǵa, «Lombard Status&Ko» JShS-ǵa, «Lombard «Narodnyı KZ» JShS-ǵa, «Lombard «Agat-T» JShS-ǵa qatysty 4,7 mln teńge aıyppul salyndy.

«Mıkroqarjylyq qyzmet týraly» QR Zańynda kózdelmegen qyzmetti júzege asyrǵany úshin «Lıder – Kapıtal 168» MQU» JShS-ǵa 555 600 teńge aıyppul salyndy.

Mıkrokredıt berý týraly úlgi sharttardyń QR zańnamasynyń talaptaryna sáıkes bolmaǵany úshin «Adıl-Lombard» JShS-ǵa, «Aı-N Lombard» JShS-ǵa, «Lombard-Qarjy» JShS-ǵa, «Lombard «ULY ShYŃ» JShS-ǵa, «Gold-ıÝg-Lombard» JShS-ǵa, «Lombard «Komfort» JShS-ǵa, «Ońtústik Fınans-Resýrs» kredıttik seriktestigi» JShS-ǵa, «Creditum» mıkroqarjy uıymy» JShS-ǵa, «TESQUA FINANCE» MQU» JShS-ǵa 9 jazbasha uıǵarym jiberildi.

Budan basqa, qaıta tirkeýden ótpegen jáne eseptik tirkeýden ótý úshin ótinish bermegen lombardtarǵa qatysty Agenttiktiń óńirlik basqarmalary jumys istep jatyr.

2020 jylǵy jeltoqsanda ekinshi deńgeıdegi bankterge, baǵaly qaǵazdar naryǵynyń jáne saqtandyrý naryǵynyń sýbektilerine qatysty buzýshylyqtar, sondaı-aq zańsyz is-qımyl jáne alaıaqtyq faktileri anyqtalǵan joq.

Halyqpen ózara is-qımyl jasaıtyn qarjy jáne ózge de uıymdardyń jarnama qyzmetine alaıaqtyq jáne basqa zańsyz áreketterdiń bolý múmkindigi turǵysynan:

- Agenttikke, onyń ishinde Agenttiktiń suraý salýy boıynsha qarjy jáne ózge de uıymdar usynǵan qujattar men aqparat;

- jeke jáne zańdy tulǵalardan, memlekettik organdardan kelip túsken ótinishter, qujattar men aqparat;

- qarjy jáne ózge de uıymdardyń ınternet-resýrstary;

- áleýmettik jeliler («Facebook», «Twitter», «Instagram», «VKontakte», «Telegram»);

- qarjy jáne ózge de uıymdardyń mobıldik qosymshalary;

- tele-, radıoarnalardaǵy, qoǵamdyq kóliktegi, merzimdi baspasóz basylymdaryndaǵy jarnama, sondaı-aq syrtqy jarnama tekseriledi.

Monıtorıng Nur-Sultan, Almaty, Shymkent qalalarynda jáne QR oblystyq ortalyqtarynda júrgizildi.


Joǵary qaraı