Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qarjylyq monıtorıng agenttigi Eljan Birtanov isine qatysty túsinikteme berdi

2021 jyldyń 28 qyrkúıek 2021 18:11

NUR-SULTAN. QazAqparat –QR Qarjylyq monıtorıng agenttigi burynǵy Densaýlyq saqtaý mınıstri Eljan Birtanovtyń isine qatysty túsinikteme berdi, dep habarlaıdy QazAqparat tilshisi.

«BAQ ókilderinen burynǵy Densaýlyq saqtaý mınıstri Eljan Birtanovtyń qylmystyq isine agenttik nege túsinikteme bermeıdi degen syńaıda saýaldar kelip túsip jatyr. Qylmystyq-protsestik kodekstiń 201-babyna sáıkes sotqa deıingi bul tergeý jarııa etýge jatpaıtynyn jáne prokýrordyń kelisimimen ǵana málimetterdiń jarııa etilýi múmkin ekenin habarlaımyz. Aıta keterligi, atalǵan tergeýge qatysty málimetterdi jarııa etpeý talaby tergeý organdarymen qatar qorǵaýshy tarapqa da qatysty. Sondyqtan, ádil bolý úshin agenttik qylmystyq istiń jaı-japsaryna túsinikteme bermeıdi. Іske qatysty fıgýranttyń kináli ne kinásiz ekendigin Konstıtýtsııanyń 77- babynyń 3-tarmaǵyna sáıkes sot qana aıqyndaı alady», - dedi QR Qarjylyq monıtorıng agenttiginiń resmı ókili Gaýhar Saparbaeva.

Onyń atap ótýinshe, osy jyldyń shilde aıynda agenttik burynǵy Densaýlyq saqtaý mınıstri Birtanov pen onyń orynbasary Ábishevke qatysty sotqa deıingi tergeý amaldaryn aıaqtaǵan.

«Birtanov pen Ábishev Densaýlyq saqtaý mınıstrliginiń jumys istemeıtin aqparattandyrý platformasyn qabyldaý jáne paıdalaný arqyly laýazymdyq ókilettigin asyra qoldaný kúdigine iligip otyr. Platforma densaýlyq saqtaý júıesindegi problemalardy jedel sheshý úshin patsıentter, dári-dármek jáne medıtsınalyq buıymdar týraly barlyq aqparatty biriktirýi tıis bolatyn. Platforma esh ýaqytta jumys istemegen jáne medıtsına uıymdary ony qoldanbaıdy. Bul jınaqtalǵan dáıektermen dáleldenip otyr. Oryndalmaǵan jumys quny - 4,1 mln dollar nemese 1,5 mlrd teńge», - dedi resmı ókil.

Sonymen qatar Gaýhar Saparbaeva E.Birtanovtyń 22 shildede sanıtarlyq avıatsııa ushaǵyn jeke maqsatta qoldaný arqyly laýazymyn asyra paıdalaný kúdigine iligip otyrǵanyn aıtady.



Joǵary qaraı