Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qashyqtan oqý úshin qyzyna berilgen noýtbýkty satyp jibergen áıel sottaldy – Semeı

2021 jyldyń 5 tamyz 2021 16:08

SEMEI. QazAqparat – Semeı qalasynda qashyqtan oqý úshin qyzyna mektepten berilgen noýtbýkty satyp jibergen áıel túrmege qamaldy, dep habarlaıdy QazAqparat tilshisi.

Qalalyq №2 soty baspasóz qyzmetiniń málimetine súıensek, qashyqtan oqytý kezinde az qamtylǵan otbasydan shyqqan 4-synyp oqýshysyna mektep ákimshiligi ýaqytsha qoldanýǵa noýtbýk bergen. Alaıda birneshe aıdan keıin qyzdyń noýtbýkty múlde qoldanbaıtyndyǵy anyqtaldy.

Onlaın sabaqtarǵa oqýshy jıi qatyspaı, úı tapsyrmalaryn oryndamaı kelgen. Osyǵan baılanysty muǵalimder balanyń anasymen sóılespek bolady.

«Qyzyna berilgen quny 160 myń teńgelik noýtbýkty áıel adam 40 myń teńgege satyp jibergen. Aıyptalýshy osyndaı qadamǵa aqshaǵa qatty qysylǵandyqtan barǵandyǵyn aıtty. Dese de áıeldiń bul somany alkogoldi ishimdik alýǵa jumsaǵany belgili boldy», - delingen aqparatta.

Semeı turǵyny buǵan deıin de sotty bolǵan eken. Ótken jyldyń tamyz aıynda qaraqshylyq jasaǵany úshin 7 jylǵa bas bostandyǵynan aıyrylǵan. Alaıda qaramaǵynda kámelettik jasqa tolmaǵan balasynyń bolýyna baılanysty sot sheshiminiń oryndalýy 3 jarym jylǵa shegerildi.

«Qaıtara qylmys jasaǵany úshin sottalýshy 7 jyl 6 aı merzimge temir torǵa qamaldy. Sonymen qatar áıelden bilim berý mekemesiniń paıdasyna 160 myń teńge óndirý týraly azamattyq talapty qanaǵattandyrdy», - delingen málimette.


Joǵary qaraı