Aýa raıy
Astana 9 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Kásipkerlerdi onlaın saýdaǵa úıretetin kýrstar bastalady

2020 jyldyń 28 shilde 2020 10:36

NUR-SULTAN. QazAqparat – Qazaqstanda kásipkerlerdi onlaın saýdaǵa úıretetin kýrstar bastalady. Tıisti tapsyrmany Úkimet jaýapty mınıstrlikter men «Atameken» palatasyna júktedi, dep habarlaıdy QazAqparat tilshisi.

«Elektrondy saýda - kóleńkeli ekonomıka kólemniń tómendeýine jáne kásipkerliktiń ósýine yqpal etetin, Qazaqstan ekonomıkasyn damytýdyń basym baǵyttarynyń biri. Bıylǵy jyldyń birinshi jartyjyldyǵynda elektrondy saýda naryǵynyń jalpy kólemi 2,2 ese ósip, 435 mlrd teńgeni qurady. Elektrondy kommertsııa naryǵyn damytýdy yntalandyrý boıynsha belsendi jumys atqarýymyz kerek. Ol úshin birinshiden osy sektordy uzaq merzimdi qarjylandyrýǵa qol jetkizýdi qamtamasyz etý máselesin taǵy da qaraýymyz kerek. Ekinshiden iri qoımalardan bólshektik satyp alýshylarǵa deıin jetkizýdiń logıstıkalyq tizbegin qurý qajet. Ol úshin Qazposhtany jáne jekemenshik kýrerlik kompanııalardy tartý kerek. Úshinshiden Saýda jáne ıntegratsııa, Eńbek jáne halyqty áleýmettik qorǵaý, Tsıfrlyq damý, ınnovatsııalar jáne aeroǵarysh ónerkásibi mınıstrlikteri «Atameken» UKP-men birlesip, keń kólemde kásipkerlerdi onlaın túrdegi saýdaǵa úıretetin kýrstardy keńinen engizý qajet», - dedi Úkimet basshysynyń birinshi orynbasary Álıhan Smaıylov Úkimet otyrysynda.

Onyń aıtýynsha tutynýshylardyń quqyǵyn tolyǵymen qorǵaý máselesi de mańyzdy. Qazaqstanda elektrondy kommertsııany damytýdyń 2025 jylǵa deıingi jol kartasy ázirlengen.

«Búgingi aıtylǵan máselelerdi eskere otyryp, osy jol kartasy sheńberinde belsendi jumys júrgizýimiz kerek», - dedi ol.

Eske salsaq, Premer-Mınıstr elektrondy saýdany damytý boıynsha tapsyrmalar bergen edi.


Joǵary qaraı