Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kásipkerlerge jeńildikpen nesıe alýǵa bolatyny durys túsindirilmeýde – Danıal Ahmetov

2021 jyldyń 15 qyrkúıek 2021 10:07

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov qala, aýdan basshylarynyń kásipkerlerge jeńildikpen nesıe alýǵa bolatyny durys túsindirilmeı jatqandyǵyn synǵa aldy, dep habarlaıdy QazAqparat tilshisi.

Bul jaıly aımaq basshysy «Qarapaıym zattar ekonomıkasy» jobasynyń iske asyrylýy boıynsha ótken keńes barysynda aıtty.

«Kásip bastaý úshin jeńildikpen nesıe alýdyń artyqshylyqtaryn túsindirý jóninde ákimderdiń jumysy sylbyr. Búginde «Damý» qory arqyly 5 mıllıard teńgeden astam somaǵa 500 joba jasalǵan. Biraq nátıje biz oılaǵandaı emes», - dedi Danıal Ahmetov.

Onyń aıtýynsha, halyqty únemi aqparattandyrý – turǵyndardy kásip ashý barysyndaǵy úreı men kúdikten seıiltedi.

«Kez kelgen azamat óz kásibin bastap, ony órge domalatyp, jetistikke jetkisi keledi dep oılaımyn. Sondyqtan olarǵa qolushyn sozyp, tıisti múmkindikterdi jasaý kerek. Men óz orynbasarlaryma jáne Kásipkerlik basqarmasyna turǵyndarmen kezdesip, jeńildikpen nesıe alý algorıtmderin egjeı-tegjeıli baıandaýdy, «Qarapaıym zattar ekonomıkasy» jobasynyń múmkindikteri týraly túsindirý jumystaryn júrgizýdi tapsyrdym», - dedi oblys ákimi.



Joǵary qaraı