Aýa raıy
Astana -27 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Kásipqoı boks: Denıel Djeıkobs kezekti jekpe-jeginde jeńiske jetti

2020 jyldyń 28 qarasha 2020 11:01

NUR-SULTAN. QazAqparat – 28 qarasha kúni Amerıkanyń Florıda shtatynda ótken kásipqoı boks keshinde Gennadıı Golovkınniń (40-1-1,35KO) burynǵy qarsylastary Denıel Djeıkobs pen (36-3-0, 30KO) Gabrıel Rosado (25-11-1,11KO) arasynda jekpe-jek ótti, dep habarlaıdy QazAqparat.

Jekpe-jek - MatchroomBoxing promoýterlik kompanııasy men DAZN strımıng platformasy ótkizip otyrǵan boks keshiniń basty aıqasy.

12 raýndqa sozylǵan aıqasta Djeıkobs aıqyn basymdyq tanyta almady. Alaıda, ol jekpe-jek barysynda barynsha birinshi nómirde judyryqtasýǵa tyrysyqan bolatyn. Al qarsylasy Rosado sharshy alańda oǵan aıtarlyqtaı qıyndyqtar týǵyzdy.

Qortyndysynda Djeıkobs upaı sany boıynsha (115-113/113-115/115-113) jeńiske jetti.

Aıta keterligi, Denıel Djeıkobs úsh jyl buryn qazaqstandyq boksshy Gennadıı Golovkınnen upaı sany boıynsha jeńilis tapqan bolatyn. Sondaı-aq, ol GGG-men 12 raýnd aıqasqan alǵashqy qarsylas retinde qazaqstandyq jankúıerlerdiń esinde qaldy.

Gabrıel Rosado 2013 jyly Golovkınmen qolǵap túıistirip, 7 raýndta tehnıkalyq nokaýtpen jeńilgen.

Eske sala ketsek, Djeıkobs- Rosado aıqasynyń anderkartynda Bokstan Rıo olımpıadasynyń chempıony, qazaqstandyq kásipqoı boksshy Danııar Eleýsinov (9-0, 5 KO) kezekti jekpe-jegin ótkizip, burynǵy álem chempıony Djýlıýso Indongony (23-2, 12 KO) ekinshi raýndta tehnıkalyq nokaýtpen jeńdi.


Avtor Muhtar Qalımollauly
Basty sózder: Boks, Sport,
Joǵary qaraı