Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kásiptik-tehnıkalyq kolledjderge qandaı kvota boıynsha oqýǵa túsýge bolady

2021 jyldyń 15 maýsym 2021 12:25

NUR-SULTAN. QazAqparat – Tehnıkalyq jáne kásiptik bilim berý uıymdaryna oqýǵa túsý kezinde 9 sanat boıynsha kvotalar qarastyrylǵan.

Nur-Sultan qalasy bilim berý basqarmasy basshysynyń orynbasary Rımma Imanǵazınova atalǵan sanattardyń tizimin atady, dep habarlaıdy QazAqparat tilshisi.

«Tehnıkalyq jáne kásiptik bilim berý uıymdaryna oqýǵa túsý kezinde 9 sanat boıynsha kvotalar qarastyrylǵan. Olar: І jáne ІІ top múgedekteri, múgedek-balalar jáne ony tárbıeleýshi otbasylar, aýyl jastary, jetim balalar, kópbalaly, az qamtylǵan jáne tolymsyz otbasylardyń balalary, «qandas» sanaty. Barlyq kvotalar boıynsha «talapker» mártebesin rastaıtyn qujattar bolýy tıis», - dedi ol.

Rımma Imanǵazınova kolledjderge qujat qabyldaý merzimi 9 jáne 11 synyp túlekteri úshin ár túrli ekenin eskertti.

«9-synyp túlekteri úshin mamandyqtar men kolledjder boıynsha talapkerlerdi saralaý 23 tamyzǵa deıin jáne 11 synyp túlekteri úshin 25 tamyzǵa deıin júrgiziledi. Konkýrs qorytyndysy boıynsha mamandyqtar men kolledjderge túskenderdiń tizimi basqarmanyń resmı ınternet resýrstarynda jarııalanyp, aqparattyq júıe arqyly habarlanady. Eger talapkerdiń talaptary bolsa, ol árdaıym ózi tańdaǵan kolledjge júgine alady», - dedi basqarma ókili.


Avtor Esimjan Naqtybaı
Basty sózder: Bilim, Nur-Sultan,
Joǵary qaraı