Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaskeleńde kókpar uıymdastyrǵandardy polıtsııa izdep jatyr

2022 jyldyń 16 mamyr 2022 12:35

TALDYQORǴAN. QazAqparat - Almaty oblysyndaǵy Qarasaı aýdanynyń ortalyǵy Qaskeleńde kókpar uıymdastyrǵandardy polıtsııa izdestirip jatyr, - dep habarlaıdy QazAqparat tilshisi.

«15 mamyr kúni Qarasaı aýdanynyń Qaskeleń qalasynda kókpar oıyny uıymdastyrylǵan. Bul shara jergilikti ákimdiktiń kelisiminsiz bolǵan. Kókparshylardyń qaladaǵy birneshe kóshe boıynda júrgenderi beınebaqylaý kamerasyna jazylǵan. Atalǵan fakti Qarasaı aýdandyq polıtsııasynda tirkeldi. Sonymen qatar, 34 jastaǵy turǵyn polıtsııaǵa aryzdandy. Onyń kóligin kókparshylar búldirip ketken»,- delingen Almaty oblystyq Polıtsııa departamenti baspasóz qyzmetiniń habarlamasynda.

Vedomstvonyń aqparatyna sáıkes, qazir atalǵan oıyndy uıymdastyrǵandar men oǵan qatysqandardy tártip saqshylary izdestirip jatyr.

«Olardyń barlyǵy zańǵa sáıkes jaýapqa tartylatyn bolady»,-dep tolyqtyrdy atalǵan vedomstvonyń baspasóz qyzmetinen.

Aıta keteıik, kókparshylardyń kólikti búldirgen sátindegi vıdeo jelige taraǵan bolatyn.


Joǵary qaraı