Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kaspıı qubyr konsortsıýmy aqaýynan kelgen shyǵyn eleýli emes- Bolat Aqsholaqov

2022 jyldyń 4 mamyr 2022 14:59

NUR-SULTAN. QazAqparat – Kaspıı qubyr jelisi konsortsıýmy boıynsha munaı eksporty josparyn oryndaýǵa bolady. Bul týraly Energetıka mınıstri Bolat Aqsholaqov aıtty, dep habarlaıdy QazAqparat tilshisi.

«Kaspıı qubyr jelisi konsortsıýmy óz jumysyn jandandyrdy. Apat bolǵan kezde biz basqa balamaly baǵyttardy iske qosýdy tyrysqan edik. Jalpy, eki mıllıon tonnaǵa deıin joǵaltamyz dep boljanǵan edi. Abyroı bolǵanda, Úkimet pen óndirýshi kompanııalardyń birlesken jumystarynyń arqasynda atalǵan kólem 300-350 myń tonna shamasynda boldy. Bul óz kezeginde sonshalyqty eleýli kólem emes, ony biz jyl sońyna deıin ıgere alamyz»,

- dedi B. Aqsholaqov Májilistiń jalpy otyrysynan keıin tilshiler saýalyna jaýap bere otyryp.

Osy oraıda ol Kaspıı qubyr jelisi konsortsıýmynda jóndeý jumystary uzaqqa sozylǵan jaǵdaıda, jylyna eki mln tonna ıgerilmeýi qaýpi bolǵanyn aıtty.

«Árıne, biz osynyń áserin tómendetý maqsatynda bizdiń munaıdy KQK-dan bólek, basqa baǵyttar boıynsha eksporttaýdyń múmkindikterin qarastyrdyq. Qazirgi kezde kelgen shyǵyn eleýli deńgeıde emes. Sondyqtan bastapqydaǵy josparymyzdy júzege asyra alamyz», - dedi vedomstvo basshysy.

Budan buryn habarlanǵandaı, jaqynda B. Aqsholaqov Kaspıı qubyr jelisi konsortsıýmy tolyq kólemde jumys istep turǵanyn aıtty.

Aıta keteıik, bıyl sáýir aıynyń sońynda Kaspıı qubyr konsortsıýmy (KQK) jóndeýden keıin Novorossıısk mańyndaǵy teńiz termınalynda jyljymaly aılaq (VPÝ-3) jumysyn qaıta bastady.



Joǵary qaraı