Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kaspıı qubyry konsortsıýmy tolyq qýatynda jumys istep tur - mınıstr

2022 jyldyń 3 mamyr 2022 14:30

NUR-SULTAN. QazAqparat – Kaspıı qubyr jelisi konsortsıýmy tolyq kólemde jumys istep tur. Bul týraly Energetıka mınıstri Bolat Aqsholaqov aıtty, dep habarlaıdy QazAqparat tilshisi.

«Kaspıı qubyr jelisi konsortsıýmyndaǵy jumys jalǵasyp jatyr. Osy oraıda, eki jyljymaly aılaq qondyrǵysy iske qosylǵan, ıaǵnı sáýir aıynyń sońynda jóndeý jumystary aıaqtaldy. Bul óz kezeginde munaı qubyrlarynyń qýattylyǵyn 100 paıyz qamtamasyz etýge jetkilikti. Taǵy bir apatty bolǵan jyljymaly aılaq qondyrǵysy jóndeýde tur. Atap aıtqanda, bul qondyrǵy osyǵan deıin josparly jóndeýge tapsyrylýy tıis edi. Sondyqtan ondaǵy jumystar jalǵasady», - dedi B. Aqsholaqov.

Mınıstr Kaspıı qubyr jelisi konsortsıýmy tolyq kólemde jumys istep turǵanyn naqtylady. Ol úshin jyljymaly aılaq qondyrǵysy mamyr aıynda tolyq jóndeýden ótetin bolady.

Bıyl 20 sáýirde «QazMunaıGaz» UK» AQ basqarma tóraǵasy Maǵzum Myrzaǵalıev Kaspıı qubyry jelisi konsortsıýmyndaǵy jóndeý jumystary aıaqtalýǵa jaqyndaǵanyn aıtqan edi.

Aıta keteıik, bıyl sáýir aıynyń sońynda Kaspıı qubyr konsortsıýmy (KQK) jóndeýden keıin Novorossıısk mańyndaǵy teńiz termınalynda jyljymaly aılaq (VPÝ-3) jumysyn qaıta bastady.


Joǵary qaraı