Qasym-Jomart Toqaev AQSh-taǵy prezıdent saılaýynda jeńiske jetken Djo Baıdendi quttyqtady
NUR-SULTAN. QazAqparat - Qazaqstan Prezıdenti Qasym-Jomart Toqaev Amerıka Qurama Shtattarynda ótken prezıdent saılaýynda eń kóp daýys jınaǵan Djo Baıdendi quttyqtady, dep habarlaıdy QazAqparat.
Memleket basshysy Djo Baıdenge shyn júrekten jyly lebizin jetkizip, aldaǵy ýaqytta eki el arasynda jemisti yntymaqtastyq ornaıtynyna senim bildirdi.
Eske sala keteıik, búgin Amerıka Qurama Shtattarynda ótip jatqan prezıdent saılaýynda demokratııalyq partııa atynan baq synaǵan Djo Baıden jeńiske qajet daýysty jınady.
77 jastaǵy Baıden tańdaýshylardyń 273 daýsyn jınap, Amerıkanyń qazirgi prezıdenti, respýblıkalyq partııa úmitkeri Donald Trampty basyp ozǵan.
Saılaýdyń sońǵy qorytyndy nátıjesi 14 jeltoqsannan keıin belgili bolady.
