Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qasym-Jomart Toqaev bıznesmenderge: Jıi kezdesip turýǵa daıynmyn

2022 jyldyń 21 qańtar 2022 13:52

NUR-SULTAN. QazAqparat - Áleýmettik-ekonomıkalyq reforma baǵyttarynyń biri retinde jobalyq top qurý qajet. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Áleýmettik-ekonomıkalyq reforma baǵyttarynyń biri retinde jobalyq top qurý qajet. Oǵan sizderdiń árqaısyńyz óz ókilińizdi jiberip, jeke de qatysa alasyzdar. Bul jerde jeke bıýrokratııa men formalızmniń qajeti joq. Sizderdiń árqaısyńyz - eń aldymen istiń adamysyzdar», - dep atap ótti Memleket basshysy elimizdiń iri bıznes ókilderimen kezdesý barysynda.

QR Prezıdentiniń atap ótýinshe, daıyndalǵan toptamalar men usynystar jańa ekonomıkalyq saıasattyń orta merzimdi baǵdarlamalarynyń negizine aınalýy tıis.

«Úkimet janynan otandyq kásipkerler keńesin qurýdy tapsyramyn. Menińshe, mundaı organ bıznestiń oıy men ıdeıalaryn tikeleı jetkizýge, sheshimderdiń kabınette sheshilýin tómendetýge múmkindik beredi. Mende sizdermen búgingideı jıi kezdesý ótkizýge daıynmyn», - dedi Qasym-Jomart Toqaev.


Joǵary qaraı