Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qasym-Jomart Toqaev: Búginnen bastap Qaýipsizdik Keńesiniń Tóraǵasy retinde barynsha qatań áreket etemin

2022 jyldyń 5 qańtar 2022 19:15

NUR-SULTAN. QazAqparat - Memleket basshysy Qasym-Jomart Toqaev búginnen bastap Qaýipsizdik Keńesiniń Tóraǵasy retinde barynsha qatań áreket etpek. Bul týraly Aqordanyń baspasóz qyzmeti habarlaıdy.

Aıta keteıik, Memleket basshysy Qasym-Jomart Toqaev Qazaqstan halqyna úndeý jarııalady. Onda Memleket basshysy Prezıdent retinde azamattardyń qaýipsizdigi men tynyshtyǵyn qorǵaýǵa mindetti ekendigin, sondaı-aq, búginnen bastap Qaýipsizdik Keńesiniń Tóraǵasy retinde barynsha qatań áreket etetinin aıtty.

«Prezıdent retinde, men, azamattarymyzdyń qaýipsizdigi men tynyshtyǵyn qorǵaýǵa, Qazaqstannyń tutastyǵyna alańdaýǵa mindettimin. Meniń qabyldaǵan sharalarym kóp ultty Qazaqstannyń ıgiligine baǵyttalǵan. Alaıda bul sharalar jetkiliksiz bolyp tur.

Buzaqy toptardyń áreketteri joǵary deńgeıde uıymdastyrylǵanyn kórip otyrmyz. Bul qarjylandyrylǵan búlikshilerdiń jan-jaqty oılastyrylǵan jospary ekenin dáleldeıdi. Bul – qaskóılerdiń qıturqy áreketi.

Sondyqtan Memleket basshysy jáne búginnen bastap Qaýipsizdik Keńesiniń Tóraǵasy retinde barynsha qatań áreket etemin. Bul – ómirin qorǵap qalýǵa ótinish bildirgen kóptegen azamatymyzdyń qaýipsizdigine qatysty másele.

Bul – memleketimizdiń qaýipsizdigine tikeleı qatysty. Halyq meni qoldaıtynyna senimdimin. Qandaı jaǵdaı bolsa da men elordada bolamyn. Halyqpen birge bolý – meniń Konstıtýtsııalyq mindetim» delingen úndeýde.


Joǵary qaraı