Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev: Etnosaıasatqa quzyrly organdar ǵana jaýap bermeýi kerek

2021 jyldyń 21 qazan 2021 12:43

NUR-SULTAN. QazAqparat – Memleket basshysy Qasym-Jomart Toqaev QHA Keńesiniń keńeıtilgen otyrysynda áleýmettik saıasattyń etnosaralyq ahýalǵa tıgizetin áseri týraly aıtty, dep habarlaıdy QazAqparat tilshisi.

«Jalpy etnosaralyq turaqtylyq ekonomıkaǵa, adamdardyń áleýmettik jaǵdaıyna oń yqpal etedi. Buǵan osy 30 jyldyń ishinde kózimiz anyq jetti. Eldegi turaqtylyqty saqtaý úshin mádenıet pen bilimniń, aqparattyq qaýipsizdiktiń mańyzy zor. Biz bul baǵytta da memlekettik saıasattyń jan-jaqty ári tıimdi, ıaǵnı ınklıýzıvti bolýyn qatamasyz etetin júıeli sharalar qabyldadyq. Osy maqsatta arnaıy qurylymdar jasaqtaldy. Degenmen, etnosaralyq kelisimderdi nyǵaıtý isinde árbir mınıstrlik pen mekeme aıryqsha ról atqarady. Ásirese áleýmettik saladaǵy saıasattyń orny bólek. Shyn máninde etnosaıasatqa quzyrly organdar ǵana jaýap bermeýi kerek. Aldaǵy mindetterdi tabysty oryndaý úshin memleket pen qoǵam birlese jumys isteýi qajet. Sonda ǵana biz halqymyzdyń bereke-birligin saqtap, memleketimizdi nyǵaıta alamyz», - degen Prezıdent etnosaralyq qatynas saıasatyn odan ári jetildirý úshin naqty sharalar qabyldaý kerektigin basa aıtty.

«Bul - qazirgi zamannyń talaby, Qazaqstannyń uzaq merzimdi maqsattarynyń biri», - dedi Memleket basshysy.


Joǵary qaraı