Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev Iran Islam Respýblıkasynyń Prezıdentimen kezdesti

2021 jyldyń 17 qyrkúıek 2021 11:38

DÝShANBE. QazAqparat - Kezdesý barysynda Qazaqstan Prezıdenti Qasym-Jomart Toqaev Ibrahım Raısıdi jaqynda ótken Prezıdent saılaýyndaǵy jeńisimen quttyqtap, eki el arasyndaǵy baılanystardy joǵary baǵalady, dep habarlaıdy Aqordanyń baspasóz qyzmeti.







– Bul – bizdiń alǵashqy kezdesýimiz. Osy júzdesý bizdiń elderimizdiń arasyndaǵy qarym-qatynastarǵa jańa serpin beretinine senimdimin. Iran – bizdiń Kaspıı óńirindegi tatý kórshimiz jáne ıslam álemindegi jaqyn seriktesimiz. Dıplomatııalyq qarym-qatynas ornaǵannan beri memleketterimiz arasyndaǵy yntymaqtastyq turaqty túrde artyp keledi, – dedi Memleket basshysy.

Óz kezeginde Ibrahım Raısı saılaýdaǵy jeńisimen quttyqtaǵany jáne ulyqtaý rásimine arnaıy delegatsııa jibergeni úshin Qasym-Jomart Toqaevqa rızashylyǵyn bildirdi.

– Iran men Qazaqstannyń ózara yntymaqtastyǵy jan-jaqty qalyptasqan. Árıne, áleýeti joǵary baılanystarymyzdy odan ári keńeıtýge mol múmkindik bar. Bizdiń búgingi kezdesýimiz osy yqpaldastyqtyń bastaýy bolaryna senemin, – dedi Iran Prezıdenti.




Sonymen qatar kezdesýde taraptar bıyl saýda-ekonomıka baǵytynda oń úrdister baıqalǵanyn atap ótip, eki el arasyndaǵy saýda-sattyqty odan ári arttyrýǵa jáne kólik-logıstıka, aýyl sharýashylyǵy, ınvestıtsııa salalary boıynsha yntymaqtastyqty nyǵaıtýǵa daıyn ekenin aıtty.

Kezdesý sońynda Memleketter basshylary ózara sapar almasýǵa kelisti.


Joǵary qaraı