Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev Qatar Memleketiniń Ámirine quttyqtaý jedelhatyn joldady

2021 jyldyń 12 qazan 2021 17:31

NUR-SULTAN. QazAqparat - Qasym-Jomart Toqaev Qatar memleketiniń Ámiri sheıh Támım ben Hamad Ál Tánıge Qatar Memleketi Konsýltatıvtik keńesiniń múshelerin saılaýdyń tabysty ótýine oraı quttyqtaý jedelhatyn joldady.

– El tarıhynda alǵash ret uıymdastyrylǵan bul saıası demokratııalyq shara Qatardyń erkin azamattyq qoǵam men zaıyrly memleket qalyptastyrý jolyndaǵy jetistikteriniń aıqyn kórinisi. Bul turǵydan, elińizdegi adam quqyqtaryn qorǵaý men bostandyqty ilgeriletýge qatysty Sizdiń bastamalaryńyzdyń bolashaqta da jemisti júzege asa berýine tilektespin. Osy rette, Shyǵanaq óńirindegi Qazaqstannyń basty seriktesteriniń biri Qatarmen tyǵyz baılanystarymyzdyń jyldan jylǵa aýqymy ulǵaıyp, yqpaldastyǵymyzdyń órisi keńeıip kele jatqanyn zor rızashylyqpen atap ótemin. Birlesken kúsh-jigerimiz áleýeti joǵary qarym-qatynastarymyzdy halyqtarymyzdyń ıgiligi úshin odan ári damyta túsetinine kámil senimdimin, – dep jazylǵan jedelhatta.


Joǵary qaraı