Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qasym-Jomart Toqaev Qaýipsizdik keńesiniń shuǵyl keńesin ótkizdi

2022 jyldyń 12 aqpan 2022 19:33

NUR-SULTAN. QazAqparat - Qasym-Jomart Toqaev Qaýipsizdik keńesiniń shuǵyl keńesin ótkizdi, dep habarlaıdy Aqorda.

Aqordada Qazaqstan Respýblıkasy Prezıdentiniń tóraǵalyǵymen Qaýipsizdik Keńesiniń shuǵyl keńesi ótti. Jıynda ulttyq qaýipsizdiktiń birqatar ózekti máselesi qarastyryldy. Qaýipsizdik Keńesiniń Tóraǵasy Qasym-Jomart Toqaev óz sózinde azamattardyń konstıtýtsııalyq quqyqtaryn qorǵaý birinshi kezektegi mindet ekenin atap ótti.




Bas prokýror Ǵızat Nurdáýletov «qasiretti qańtar» oqıǵasyna qatysty tergeý jumystarynyń barysy týraly baıandady. Onyń aıtýynsha, qazirgi ýaqytta 3024 qylmystyq is boıynsha tergeý amaldary júrgizilýde. Arnaýly prokýrorlardyń basshylyǵymen vedomstvoaralyq tergeý toby jappaı tártipsizdikter men terrorlyq aktiler boıynsha 177 isti qarap jatyr.

Prokýratýra organdarynyń málimeti boıynsha 779 adam qamaýda otyr. Olardyń arasynda uıymdasqan qylmystyq toptardyń 24 múshesi bar. 113 adam kisi óltirý, urlyq, tonaýshylyq jáne qaraqshylyq áreketteri úshin buryn sottalǵan.

Ustalǵandardyń tulǵalary anyqtalǵan soń, sondaı-aq densaýlyq jaǵdaılaryna baılanysty jáne basqa da materıaldar boıynsha 109 azamattyń qamaýǵa alý jazasy ketip qalmaý jónindegi qolhatpen jáne jeke kepildik berýmen almastyrylǵan.

Prokýrorlar azamattardyń tártipsizdikke qatysy bar ekeni dáleldenbegenin negizge ala otyryp, taǵy da 103 adamdy bosatqan.

Ustalǵandardy azaptaý týraly árbir habarlama jiti tekseriledi. Prokýrorlar advokattarmen, quqyq qorǵaýshylarmen jáne Adam quqyqtary jónindegi ýákilmen árdaıym baılanysta.

Olarǵa tergeý ızolıatorlaryna, ýaqytsha ustaý ızolıatorlaryna jáne ustalý sebebin anyqtaıtyn arnaýly oryndarǵa kirýge múmkindik berilgen.

Jalpy prokýratýraǵa ustalǵandar tarapynan 305 shaǵym túsken. Quqyq buzýshylyqqa qatysty 62 shaǵym rastalmady. Azaptaý jáne bıligin asyra paıdalaný deregi boıynsha 170 qylmystyq is qozǵaldy.

«Árbir isti egjeı-tegjeıli tekseremiz jáne bultartpas dálelder bolǵan jaǵdaıda ǵana kinálilerdi jaýapkershilikke tartamyz, – dedi Bas prokýror.





Sonymen qatar keńeste Ulttyq qaýipsizdik komıtetiniń tóraǵasy, Іshki ister mınıstri, Qorǵanys mınıstri jáne Premer-Mınıstrdiń orynbasary – Syrtqy ister mınıstri baıandama jasady.

Keńes qorytyndysy boıynsha Prezıdent qańtar oqıǵasy boıynsha muqııat jáne shynaıy tekserý júrgizý, ustalǵan azamattardyń quqyqtaryn qorǵaý, tekserý barysy týraly halyqqa ýaqtyly aqparat berý jóninde memlekettik organdarǵa tapsyrma berdi.


Joǵary qaraı