Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev qazaqstandyqtardy Otan qorǵaýshy kúnimen quttyqtady

2021 jyldyń 7 mamyr 2021 08:00

NUR-SULTAN. QazAqparat - Qasym-Jomart Toqaev qazaqstandyqtardy Otan qorǵaýshy kúnimen quttyqtady, dep habarlaıdy QazAqparat Aqordanyń resmı saıtyna silteme jasap.

«Qurmetti qazaqstandyqtar!

Sizderdi Otan qorǵaýshy kúnimen shyn júrekten quttyqtaımyn!

Biz bul kúni Qarýly Kúshterimizdiń ardagerlerine jáne elimizdiń egemendigi men ulttyq múddesin qorǵap turǵan, antyna adal áskerı qyzmetshilerge qurmet kórsetemiz.

Qazaqstan jer júzine qashanda beıbitshilikti jaqtaıtyn jáne jaýapkershiligi joǵary memleket retinde tanymal. Sondaı-aq, ekonomıkalyq, gýmanıtarlyq múmkindikteri ǵana emes, áskerı áleýeti de myqty elge aınaldyq.

Tuńǵysh Prezıdent, Elbasy Nursultan Ábishuly Nazarbaevtyń orasan eńbeginiń arqasynda zamanaýı qarý-jaraqpen jáne jańa tehnıkamen jabdyqtalǵan qýatty armııa jasaqtaldy. Qarýly Kúshterimizdiń barlyq qurylymynda qyzmet etetin sarbazdar men sardarlardyń jaýyngerlik rýhy, otanshyldyǵy, áskerı daıyndyǵy jáne kásibı mashyǵy elimizdiń qorǵanys qabiletiniń joǵary bolýyn qamtamasyz etedi.

Memleket týǵan jeri úshin aıanbaı eńbek etip, áskerı qyzmetke búkil ǵumyryn arnaǵan otansúıgish perzentterin jan-jaqty qoldaýǵa aıryqsha mán beredi. Bizdiń mindetimiz – jańa geosaıası ahýalǵa saı elimizdiń qorǵanys qabiletin odan ári nyǵaıta túsý.

Armııa – memlekettigimizdiń myzǵymas tiregi, Táýelsizdigimizdiń kepili. Qazaqstan Respýblıkasynyń áskerı qyzmetshilerine halqymyzdyń qaýipsizdigi men beıbit ómiri jolyndaǵy minsiz qyzmeti úshin rızashylyǵymdy bildiremin»,-delingen quttyqtaýda.


Basty sózder: Ásker, Qoǵam, Qazaqstan Prezıdenti,
Joǵary qaraı