Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev qazaqstandyqtardy Jeńis kúnimen quttyqtady

2021 jyldyń 9 mamyr 2021 08:00

NUR-SULTAN. QazAqparat - QR Prezıdenti Qasym-Jomart Toqaev qazaqstandyq tardy Jeńis kúnimen quttyqtady. Bul týraly Aqordanyń baspasóz qyzmeti habarlady. «QazAqparat» HAA oqyrman nazaryna quttyqtaý mátinin usynady.

Memleket basshysy Qasym-Jomart Toqaevtyń Jeńis kúnimen quttyqtaýy

Qymbatty otandastar!

Barshańyzdy Uly Jeńis kúnimen shyn júrekten quttyqtaımyn!

Bul meıram – beıbit ómirimiz, azattyǵymyz ben jarqyn bolashaǵymyz úshin fashıst basqynshylaryna qarsy surapyl soǵysta jeńiske jetken batyrlarymyzdyń erligi men dańqynyń sımvoly.

Uly Otan soǵysy maıdanyna mıllıonnan astam qazaqstandyq attanyp, olardyń teń jartysy Jeńis jolynda qaza tapty.

Adamzat tarıhynda teńdessiz erlik jasaǵan ákelerimiz ben analarymyzdyń qajymas qaısarlyǵy, eren eńbegi jáne kózsiz qaharmandyǵy halqymyzdyń jadynda máńgi saqtalady.

Bıylǵy Jeńis kúnin bizben birge 665 maıdanger men 100 myńǵa jýyq tyl eńbekkeri qarsy alýda. Olardyń eshqaısysy memlekettiń qoldaýy men qamqorlyǵynan, qoǵamnyń syı-qurmetinen tys qalmaıdy.

Soǵys jáne tyl ardagerlerine, barsha qazaqstandyqtarǵa beıbit tirshilik, zor densaýlyq, baq-bereke tileımin!

Jeńis kúni qutty bolsyn!


Basty sózder: Qazaqstan Prezıdenti,
Joǵary qaraı