Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev: Qoǵamdy jemqorlyqpen kúresýge keńinen tartý qajet

2021 jyldyń 16 sáýir 2021 12:31

NUR-SULTAN. QazAqparat - Qoǵam ókilderiniń belsene atsalysýy jáne aldyn alý sharalary sybaılas jemqorlyqqa qarsy kúrestiń basty quraldaryna aınalýy kerek.

Bul týraly búgin Sybaılas jemqorlyqqa qarsy is-qımyl jónindegi keńeste sóılegen sózinde Memleket basshysy Qasym-Jomart Toqaev aıtty, dep habarlaıdy QazAqparat.

«Qazirgi tańda meniń tapsyrmam boıynsha «Qoǵamdyq baqylaý týraly» zań daıyndalyp jatyr. Bul qujat memlekettik organdardyń qoǵam aldyndaǵy ashyqtyǵy men eseptiligin qamtamasyz etýdi kózdeıdi. Sondaı-aq, belsendi azamattarǵa quqyqtyq baqylaý quraldaryn beredi. Osy zań jobasynyń áleýetin barynsha paıdalanyp, qoǵamdy jemqorlyqpen kúresýge keńinen tartý qajet»,-dedi Prezıdent.

Aıta keteıik, keńes barysynda Alık Shpekbaev QR Sybaılas jemqorlyqqa qarsy is-qımyl agenttiginiń tóraǵasy qyzmetinen bosatylyp, atalmysh laýazymǵa Marat Ahmetjanov taǵaıyndaldy.




Joǵary qaraı