Aýa raıy
Astana -17 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev koronavırýsqa qarsy otandyq vaktsınany ázirleý barysymen tanysty

2020 jyldyń 28 qazan 2020 20:38

NUR-SULTAN. QazAqparat - Memleket basshysy Bıologııalyq qaýipsizdik problemalary ǵylymı-zertteý ınstıtýtynyń bas dırektory Kúnsulý Zakarıany qabyldady, dep habarlaıdy QazAqparat Aqordanyń baspasóz qyzmetine silteme jasap.

Qasym-Jomart Toqaevqa koronavırýsqa qarsy otandyq vaktsınanyń ázirlený barysy týraly aqparat berildi.

Kúnsulý Zakarıanyń málimetine sáıkes búgingi tańda ınstıtýttyń bazasyndaǵy bes platformada koronavırýsqa qarsy vaktsınalar daıyndalýda. Instıtýt ázirlegen belsendi emes vaktsına Dúnıejúzilik densaýlyq saqtaý uıymynda maquldanyp, klınıkalyq zertteýlerdiń birinshi kezeńinen ótti jáne qazirgi ýaqytta Ulttyq ǵylymı ftızıopýlmonologııa ortalyǵynda zertteýdiń ekinshi kezeńi júrgizilip jatyr.

Koronavırýs indetine qarsy ázirlenip jatqan otandyq ekinshi sýbbirlikti vaktsına DDSU tarapynan maquldanyp, klınıkalyq zertteýlerden sátti ótken. Bul vaktsınanyń materıaldary Dárilik zattar men medıtsınalyq buıymdardy saraptaý ulttyq ortalyǵynda qaralyp jatyr.

Prezıdentke Qazaqstanda buryn-sońdy bolmaǵan ımmýndyq preparattar shyǵaratyn zaýyt qurylysy týraly da málimet berildi. Ǵylymı-zertteý ınstıtýtynda otandyq vaktsınalar shyǵaratyn zaýyt qurylysy júrgizilýde. Zaýyttyń jobalyq qýaty jylyna 60 mıllıon mólsherde vaktsına shyǵarýǵa jetedi. Osy arqyly otandyq naryqty ǵana qamtyp qoımaı, ony eksporttaýǵa da múmkindik týady. Atalǵan zaýyt iske qosylǵan kezde elimiz ımporttyq táýeldilikten arylady.

Memleket basshysy ǵylymı-zertteý ınstıtýtynyń qyzmetkerlerine arnalǵan turǵyn úı qurylysynyń qarqynyn arttyrý usynysyn qoldady. Sonymen qatar kezdesýde qyzmetkerlerdiń jalaqysyn kóterý, atalǵan salaǵa jas mamandardy kóptep tartý, normatıvtik-quqyqtyq aktilerge vaktsınany ýaqytsha tirkeý túsinigin engizý máseleleri qozǵaldy.

Kezdesý sońynda Qasym-Jomart Toqaev otandyq vaktsınalardy daıyndaý isine qatysty birqatar naqty tapsyrma berdi.


Joǵary qaraı