Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev Qurban aıt merekesimen quttyqtady

2021 jyldyń 20 shilde 2021 07:45

NUR-SULTAN. QazAqparat - Memleket basshysy Qasym-Jomart Toqaev Qurban aıt merekesimen quttyqtady, dep habarlaıdy Aqordanyń baspasóz qyzmeti.

QazAqparat» agenttigi oqyrman nazaryna quttyqtaý mátinin usynady.

****

Ardaqty aǵaıyn!

Sizderdi kúlli musylman qaýymy úshin qasterli Qurban aıt merekesimen shyn júrekten quttyqtaımyn!

Bul – qaıyrymdylyq pen janashyrlyq, izgilik pen ımandylyq sııaqty asyl qasıetterdi dáripteıtin ulyq meıram.

Salt-dástúrimizben berik ushtasqan ata dinimiz – eldiń rýhanı tutastyǵyn saqtaýǵa yqpal etetin basty qundylyqtyń biri.

Qurban aıt qashanda barsha jurtty bereke-birlikke úndeıdi. El azamattaryn baýyrmal bolýǵa shaqyryp, búkil halqymyzdyń yrys-yntymaǵyn arttyrady.

Musylman balasy bul kúnderi otbasy amandyǵy men el tynyshtyǵy úshin qurbandyq shalyp, joq-jitikke kómektesedi, muqtaj jandarǵa qamqorlyq tanytady. Osyndaı izgi nıet pen saýapty is el-jurttyń bir-birimen etene aralasýyna, ózara syılastyq pen jaqsylyqqa jol ashady.

Qurban aıttyń ulaǵaty men ónegesi bizdiń rýhanı qundylyqtarymyzben úndesedi. Búgingi merekeniń mán-mańyzy osynda dep bilemin.

Shalǵan qurbandyqtaryńyz, duǵa-tilekterińiz qabyl bolsyn!

Aıttan aıtqa aman-esen jete bereıik!


Basty sózder: Qazaqstan Prezıdenti, Qurban aıt,
Joǵary qaraı