Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev Qyrǵyz Prezıdentimen kezdesýde Abaı men Maǵjannyń sózderin keltirdi

2021 jyldyń 2 naýryz 2021 15:18

NUR-SULTAN. QazAqparat – Búgin Memleket basshysy Qasym-Jomart Toqaev elimizge memlekettik saparmen kelgen Qyrǵyz Respýblıkasynyń Prezıdenti Sadyr Japarovpen keńeıtilgen quramdaǵy kelissózder ótkizdi. Onda Qazaqstan Prezıdenti qazaq pen qyrǵyz baılanysynyń tamyry tereńde ekenin aıta kelip, uly Abaı men Maǵjan Jumabaevtyń sózderin tilge tıek etti, dep habarlaıdy QazAqparat.

«Uly Abaı aıtqandaı, «Esh qazaq qyrǵyz ben qazaqtyń bir tuqymdas ekenine talaspaıdy». Qos halyqtyń rýhanı týystyǵyn dáleldeıtin mysaldar jetkilikti. Bul baılanystar Áýezov pen Aıtmatov, Jambyl men Toqtaǵul, Kenen men Ospanqul sııaqty alyp tulǵalarymyzdyń tusynda nyǵaıa tústi. Qazaqtyń áıgili aqyny Maǵjan Jumabaev «Qyrǵyz – taýdyń tarpańy, qazaq – qyrdyń qulany» dep jyrlaǵan. Munyń bári bizdiń arǵy tegimizdiń bir ekenin ańǵartady, – dedi Qazaqstan Prezıdenti keńeıtilgen quramdaǵy kezdesý barysynda.

Óz kezeginde Qyrǵyz Respýblıkasynyń Prezıdenti Qazaqstan basshylyǵy men halqyna koronavırýsqa qarsy kúreste qoldaǵany úshin jáne aldaǵy ýaqytta da aýqymdy kómek kórsete beretinine alǵys aıtty.

– Búgingi kelissózder dástúr boıynsha memleketterimiz arasyndaǵy ózara qarym-qatynastardy sıpattaıtyn odaqtastyq baılanystar men strategııalyq seriktestik rýhynda ótýde. Shaǵyn formatta ótken kezdesýde biz Qasym-Jomart Kemelulymen ekijaqty yntymaqtastyq pen óńirlik jáne halyqaralyq uıymdar aıasyndaǵy elderimizdiń ózara is-qımylynyń birqatar mańyzdy máselelerin qozǵadyq. Eki el arasynda eshqandaı saıası qaıshylyq joq ekenin málimdeımin, – dedi Sadyr Japarov.


Joǵary qaraı