Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qasym-Jomart Toqaev Qytaı men Ortalyq Azııa elderiniń basshylaryn Qazaqstanǵa shaqyrdy

2022 jyldyń 25 qańtar 2022 16:41

NUR-SULTAN. QazAqparat – QR Prezıdenti Qasym-Jomart Toqaev Qytaı men Ortalyq Azııa elderiniń basshylaryn Qazaqstanǵa shaqyrdy, dep habarlaıdy QazAqparat.

«Ortalyq Azııa – QHR» sammıtine qatysqan Prezıdent Qasym-Jomart Toqaev kúzde Qazaqstan astanasynda ótetin AÓSShK mereıtoılyq sammıtine qatysýǵa shaqyrdy.

«Bizdiń alysty kózdegen josparlarymyzdy tabysty iske asyrý óńirde qaýipsizdikti qamtamasyz etpesek, múmkin emes. Jahandyq týrbýlenttilik jalǵasýy aıasynda biz birlesip, onyń ishinde Shanhaı Yntymaqtastyq Uıymynyń (ShYU) jasampazdyq áleýetin paıdalana otyryp, Eýrazııanyń ortalyǵynda beıbitshilik pen turaqtylyqty nyǵaıtý jolynda jumys isteı alar edik.

Osy oraıda Azııadaǵy Ózara Senim Sharalary jónindegi keńestiń eleýli múmkindikterine nazar aýdarǵym keledi. Osy forýmnyń qazirgi tóraǵasy retinde Qazaqstan AÓSShK tıimdiligin arttyrý boıynsha júıeli qadamdar jasaýda», - degen Memleket basshysy keńesti Azııadaǵy qaýipsizdik jáne damý uıymyna transformatsııalaý týraly usynys bildirdi.

«Bul bizdiń qazirgi syn-qaterler men qaýipterge qarsy is-qımyl jónindegi ujymdyq kúsh-jigerimizdi sapaly ári jańa deńgeıge shyǵarýǵa múmkindik berer edi. Qurmetti áriptester, sizderge osy bastamany qoldaǵandaryńyz úshin alǵys bildiremin jáne osy jyldyń kúzinde Qazaqstan astanasynda ótetin AÓSShK mereıtoılyq sammıtine qatysýǵa shaqyramyn», - dedi Qasym-Jomart Toqaev.

Aıta keteıik, Memleket basshysy Qasym-Jomart Toqaev «Ortalyq Azııa – QHR» sammıtine qatysýda.

Sammıtke QHR Tóraǵasy Sı Tszınpın, Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japparov, Túrikmenstan Prezıdenti Gýrbangýly Berdimuhamedov, Tájikstan Prezıdenti Emomalı Rahmon beınekonferentsııa rejıminde qatysyp otyr.


Joǵary qaraı