Aýa raıy
Astana 6 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev Lıvan Prezıdentimen telefon arqyly sóılesti

2020 jyldyń 5 tamyz 2020 17:47

NUR-SULTAN. QazAqparat – QR Prezıdenti Qasym-Jomart Toqaev Lıvan Prezıdenti Mıshel Aýnmen telefon arqyly sóılesti, dep habarlaıdy QazAqparat.

«Búgin Lıvan Prezıdenti Mıshel Aýnmen telefon arqyly sóılesip, Beırýt portyndaǵy jarylys kezinde qaza bolǵan adamdardyń otbasyna kóńil aıtyp, zardap shekkenderdiń saýyǵyp ketýine tilektestik bildirdim. Lıvan Prezıdenti osyndaı qıyn-qystaý kezeńde qoldaý bildirgenimiz úshin alǵys aıtyp, Qazaqstan azamattarynyń qaýipsizdigin qamtamasyz etýge ýáde berdi», dep jazdy QR Prezıdent Twitter -degi paraqshasynda.

Qasym-Jomart Toqaev Mıshel Aýnǵa Lıvandaǵy qazaqstandyqtardyń qaýipsizdigin qamtamasyz etý jóninde ótinish bildirdi.

«QR azamattarynyń (200-ge jýyq), onyń ishinde, qazaq dıplomattarynyń jáne BUU-nyń bitimgershilik kúshteri quramynda qyzmet atqaryp júrgen áskerı qyzmetshilerdiń qaýipsizdigin qamtamasyz etý jóninde sharalar qabyldaý týraly ótinish bildirdim», dep jazdy Prezıdent.

Eske sala ketsek, keshe Lıvan astanasy Beırýt qalasynda joıqyn jarylys boldy. Qaladaǵy kóptegen ǵımaratqa zaqym kelip, kóbisiniń terezesi qırap qaldy.

Jarylys saldarynan Qazaqstannyń SІM Lıvandaǵy dıplomatııalyq mıssııasy ǵımaratyna zııan kelgen. Jarylys kezinde dıplomatııalyq mıssııanyń qyzmetkerleri jumys kúni aıaqtalǵannan keıin jumys ornynan ketip qalǵan. Konsýl jumysta qalǵan bolatyn jáne jarylys tolqyny saldarynan jeńil jaraqat aldy.

Buǵan deıin habarlanǵandaı, 5 tamyz kúni Beırýt ýaqytymen saǵat 00:30-da Lıvannyń Densaýlyq saqtaý mınıstri Muhammed Hasan jarylystan qaza tapqandar sany 70-ke jetkenin, 4 myńǵa jýyq turǵyn jaraqat alǵanyn málimdedi.

5 tamyz kúni jarylystyń neden bolǵany anyqtaldy. Bılik málimdemesine sáıkes, ammonıı nıtratynyń úlken partııasy (ammıak selıtrasy dep te atalady) portta uzaq ýaqyt saqtalyp, qaýipsizdik talaptary saqtalmaǵan.


Basty sózder: Qazaqstan Prezıdenti,
Joǵary qaraı