Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev oqýshylar men stýdentterdi Bilim kúnimen quttyqtady

2020 jyldyń 1 qyrkúıek 2020 10:51

NUR-SULTAN. QazAqparat - Memleket basshysy Qasym-Jomart Toqaev qazaqstandyq órenderdi Bilim kúnimen quttyqtady, dep habarlaıdy QazAqparat.

«Mektep oqýshylary men stýdentterdi Bilim kúnimen quttyqtaımyn! Búgin jańa oqý jyly bastalady. Sizderge óz kúsh-jigerlerińizge, talpynystaryńyzǵa, eńbekterińizge súıene otyryp, bolashaqtaǵy jetistikterińizdiń irgetasyn qalaý mindeti tur. Jańa álemdegi eń qundy dúnıe sanalatyn bilimge jol ashatyn ustazdarǵa tabys tileımin» dep jazdy Prezıdent Twitter paraqshasynda.

Onyń aıtýynsha, pandemııa mektepter men joǵary oqý oryndaryndaǵy oqý jylynyń bastalýyna keri áserin tıgizdi.

«Biraq bul - ýaqytsha qubylys. Úkimetke balalar men jastar arasynda qaýipti indettiń aldyn alyp, sanıtarlyq normalardy saqtaı otyryp, bilim berýdiń dástúrli qalpyna oralý tártibin ázirleý tapsyryldy» dep jazady Qasym-Jomart Toqaev.


Joǵary qaraı