Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev Ońtústik Koreıa Prezıdentimen strategııalyq seriktestik máselesin talqylady

2020 jyldyń 22 qazan 2020 19:22

NUR-SULTAN. QazAqparat - Qazaqstan Prezıdenti Qasym-Jomart Toqaev Ońtústik Koreıa Prezıdenti Mýn Chje Inmen telefon arqyly sóılesti, dep habarlaıdy QazAqparat Aqordaǵa silteme jasap.

Memleketter basshylary Qazaqstan Respýblıkasy men Koreıa Respýblıkasy arasyndaǵy strategııalyq seriktestiktiń qazirgi jaǵdaıy men ony nyǵaıtýdyń perspektıvalaryn talqylady.

Qasym-Jomart Toqaev pen Mýn Chje In Ońtústik Koreıa basshysynyń 2019 jyly sáýirde elimizge jasaǵan memlekettik sapary aıasynda bekitilgen ýaǵdalastyqtardyń nátıjesinde qol jetkizilgen tabysty ekonomıkalyq yntymaqtastyqqa joǵary baǵa berdi.

Prezıdent Mýn Chje In Almaty qalasynda «Hyundai» jeńil avtokólikterin shyǵaratyn zaýyttyń ashylǵanyn erekshe atap ótti.

Memleket basshysy Qasym-Jomart Toqaev pandemııa saldaryna qaramastan taýar aınalymynyń joǵary qarqynyna kóńili tolatynyn bildirdi.

Eki el Prezıdentteri halyqaralyq uıymdardyń, atap aıtqanda Dúnıejúzilik saýda uıymy men MAGATE aıasynda eki el yntymaqtastyǵynyń nyǵaıa túskenin aıtty.

Áńgimelesý barysynda koronavırýs pandemııasyna qarsy kúrestegi tabysty yntymaqtastyq máseleleri de talqylandy.

Prezıdent Mýn Chje In Qasym-Jomart Toqaevty Koreıa Respýblıkasyna kelesi jyly saparmen kelýge shaqyrǵanyn naqtylady.


Joǵary qaraı