Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev Shveıtsarııa Prezıdentimen kelissóz júrgizdi

2021 jyldyń 30 qarasha 2021 01:57

JENEVA. QazAqparat – Memleket basshysy Qasym-Jomart Toqaev Shveıtsarııa Prezıdenti Gı Parmelanmen kelissóz júrgizdi, dep habarlaıdy QazAqparat Aqordaǵa silteme jasap.

Jeneva qalasyndaǵy Áýlıe Petrdiń Kafedraldy soborynyń aldynda ótken resmı kezdesýden keıin eki eldiń basshylary kelissóz júrgizdi.

Qasym-Jomart Toqaev pen Gı Parmelan bir-birine resmı delegatsııalardyń múshelerin tanystyrdy. Sodan keıin eki eldiń ánurandary shyrqaldy. Prezıdentter Shveıtsarııanyń týyna qurmet kórsetip, Qurmet qaraýylyn boılaı ótti.








Saltanatty rásimnen keıin memleketter basshylary shaǵyn jáne keńeıtilgen quramda kezdesýler ótkizdi.

Ózara senim jaǵdaıynda ótken kezdesýde memleketter basshylary Qazaqstan men Shveıtsarııa arasyndaǵy saıası, saýda-ekonomıkalyq, ınvestıtsııalyq, qarjy salalaryndaǵy kópjosparly yntymaqtastyqtyń ahýaly men perspektıvalaryn jan-jaqty talqylady.





Budan bólek eki el basshylary Bretton-Výd ınstıtýttary, halyqaralyq uıymdar aıasyndaǵy ózara yqpaldastyqty qarastyryp, aımaqtyq kún tártibindegi máselelerdi, onyń ishinde Aýǵanstandaǵy jaǵdaı men osy elge gýmanıtarlyq kómek kórsetý máselesin sóz etti.

Sonymen qatar pandemııaǵa jáne klımattyń ózgerýine qarsy kúreske, Ortalyq Azııadaǵy sý dıplomatııasyna qatysty ózekti máseleler jóninde pikir almasty. Qasym-Jomart Toqaev pen Gı Parmelan saıası jáne ekonomıkalyq baılanystardyń oń qarqynyn atap ótip, ekijaqty baılanystardyń barlyq baǵyty boıynsha ózara tıimdi yntymaqtastyqty odan ári damytýǵa múddeli ekenderin bildirdi. Memleket basshysy Shveıtsarııamen jan-jaqty qatynastardy damytýǵa basa mán beretinin jáne osy eldi Qazaqstannyń Eýropadaǵy mańyzdy saıası ári ekonomıkalyq áriptesi sanaıtynyn aıtty.








Sonymen qatar Qasym-Jomart Toqaev Gı Parmelanǵa Qazaqstanda júrgizilip jatqan aýqymdy saıası jáne ekonomıkalyq reformalar jóninde aıtty. Eki el basshylary aýyl sharýashylyǵy, kólik jáne logıstıka, mashına jasaý, farmatsevtıkalyq ónerkásip jáne «jasyl» jobalar salaryndaǵy birlesken jumystar úshin zor áleýet bar ekenin aıtty.














Kelissóz qorytyndysy boıynsha memleketter basshylarynyń qatysýymen birqatar úkimetaralyq jáne kommertsııalyq kelisimge qol qoıyldy.

1. Qazaqstan Respýblıkasynyń Úkimeti men Shveıtsarııa Konfederatsııasy Federaldyq Keńesi arasyndaǵy baǵaly metaldardan jasalǵan buıymdardaǵy synamalyq tańbany ózara moıyndaý jónindegi kelisim;

2. 1994 jylǵy 12 mamyrda Almaty qalasynda Qazaqstan Respýblıkasynyń Úkimeti men Shveıtsarııa Federaldyq Keńesi arasynda qol qoıylǵan saýda-ekonomıkalyq yntymaqtastyq jónindegi kelisim hattamasy (Saýda qyzmetterin ishki retteý qaǵıdalary);

3. «Qazaqstan temir joly» UK» AQ men «Stadler CIS AG» kompanııasy arasyndaǵy strategııalyq yntymaqtastyq jónindegi kelisim.


















Joǵary qaraı