Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev Sybaılas jemqorlyqqa qarsy is-qımyl agenttiginiń tóraǵasyn qabyldady

2021 jyldyń 19 sáýir 2021 13:15

NUR-SULTAN. QazAqparat – Memleket basshysy Sybaılas jemqorlyqqa qarsy is-qımyl agenttiginiń tóraǵasy Marat Ahmetjanovty qabyldady, dep habarlaıdy QazAqparat Aqordaǵa silteme jasap.

Qasym-Jomart Toqaevqa Prezıdenttiń bıylǵy jyly 16 sáýirde ótken sybaılas jemqorlyqqa qarsy is-qımyl jónindegi keńeste bergen tapsyrmalarynyń júzege asyrylý barysy jaıynda baıandaldy. Marat Ahmetjanov Agenttik qyzmetin qylmystyq protsestiń úsh býyndy modeline beıimdeý jumystaryna daıyndaý týraly aıtty.

Prezıdent sybaılas jemqorlyqpen kúres ádisterin jańǵyrtý, jumys barysynda jiberiletin qatelikterdi qasaqana jasalǵan qylmystardan ajyrata bilý qajettigine, sondaı-aq, kináli adamdy qylmystyń barlyq quramy bolǵan kezde ǵana jaýapqa tartý kerektigine toqtaldy.

Budan bólek kásipkerlerdiń quqyǵyn qorǵaýǵa, bıznestiń jumysyna zańsyz aralasatyn jáne kóleńkeli aınalymǵa qamqorlyq kórsetýdi júzege asyratyn memlekettik qyzmetshilerdiń jaýapkershiligin qatań qaraýǵa qatysty mindetter júktedi.

Memleket basshysy Agenttikke sybaılas jemqorlyqqa qarsy ozyq tájirıbeni zerdeleý jáne memlekettik organdardyń qyzmetin tıisinshe úılestirý bóliginde halyqaralyq uıymdarmen tyǵyz jumys isteýge qatysty birqatar tapsyrma berdi.


Joǵary qaraı