Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qasym-Jomart Toqaev: Syrtqy ıgiliktiń shıkizattyq laǵynetke aınalǵanyn baıqamaı qaldyq

2022 jyldyń 21 qańtar 2022 12:36

NUR-SULTAN. QazAqparat - Syrtqy ıgiliktiń shıkizattyq laǵynetke aınalǵanyn baıqamaı qaldyq. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Keıinge kóz sala otyryp, shartty túrde eki ekonomıkalyq betburysty bóle aıtýǵa bolady. Birinshisi, josparly ekonomıkadan naryqtyq ekonomıkaǵa kóshý. Qazaqstan kúrdeli kúızelister jáne shyǵyndar arqyly aýyrtpalyqty, biraq qajetti reformalar júrgize otyryp kóterile, beıimdele aldy», - dep atap ótti Memleket basshysy elimizdiń iri bıznes ókilderimen kezdesýi barysynda.

QR Prezıdenti bul ózgeristerdi qarjylandyrý keńestik júıeden mura bolyp qalǵan memlekettik múlikterdi jekeshelendirý esebinen júzege asyrylǵanyn atap ótti.

«Sol irgetasta otandyq kásipkerliktiń jańa sanaty ósip shyqty. Ekinshi betburys 2000 jyldardaǵy shıkizattyq sýpertsıklmen baılanysty. Ekonomıka jahandyq protsesterge beıimdele aldy, sheteldik ınvestorlarǵa jaǵdaı jasalyp, bul elge mol qarajatty, birinshi kezekte óńdeý jáne bank salalaryna tartýǵa múmkindik berdi. Bul qarjylar qazaqstandyq ekonomıkany qorlandyrdy jáne oǵan turaqtylyq berdi. Áleýmettik baǵdarlanǵan memleket qalyptastyrýǵa múmkindik týǵyzdy. Biraq, biz syrtqy ál-aýqattyń arqasynda syrtqy ıgiliktiń shıkizattyq laǵynetke aınalǵanyn baıqamaı qaldyq. Biz transformatsııada utqyr bola almadyq. Sapaly túrlený mundaıǵa qarsy túrli toptardyń múddesimen betpe bet keldi. Nátıjesinde biz ártaraptandyrylǵan ekonomıka qura almadyq», - dep atap ótti Qasym-Jomart Toqaev.


Joǵary qaraı