Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev: Vaktsınamyz dúnıe júzinde moıyndalyp jatyr

2021 jyldyń 4 qazan 2021 16:41

JAMBYL OBLYSY. QazAqparat – Qazaqstanda ónidirilgen vaktsına Birikken Arab Ámirlikterine jáne basqa da musylman elderine jibermek. Bul týraly Memleket basshysy Qasym-Jomart Toqaev «Otarbiopharm» ımmýnobıologııalyq preparattar shyǵaratyn bıofarmatsevtıka zaýytyna barǵan kezde aıtyldy, dep habarlaıdy QazAqparat.

Prezıdent zaýyt qyzmetkerlerimen áńgimelesý barysynda jobanyń mańyzdylyǵyn atap ótip, otandyq vaktsınanyń koronavırýs indetine qarsy kúreske jáne halyqtyń densaýlyǵyn kúsheıtýge zor úles qosatynyna senim bildirdi.

«Barshańyzdy quttyqtaımyn. Shyn máninde, bul - úlken jetistik. Elimiz úshin qajetti óndiris. Negizgi jumys oryndaldy. Bári durys. Kelesi jyly osy jumysty jalǵastyramyz. Vaktsına óte tıimdi. Gýmanıtarlyq kómek retinde bul vaktsınany Aýǵanstanǵa jáne basqa da musylman elderine jiberemiz. Vaktsınamyz dúnıe júzinde moıyndalyp jatyr. Sondyqtan barshańyzdy quttyqtaımyn! Rızashylyǵymdy bildiremin. Bul – óte kúrdeli protsess, óndiris. Shyn máninde, dúnıejúzinde, shetelde mundaı óndiris jasaý úshin úsh-tórt jyl ketedi. Biz toǵyz aıdyń ishinde jumysty oryndadyq. Sondyqtan eńbekterińiz memleket tarapynan joǵary baǵalanady», – dedi Qasym-Jomart Toqaev.

Eske salsaq, QR Prezıdenti jumys saparymen Jambyl oblysynda júr. Memleket basshysy QazVac vaktsınasyn shyǵaratyn Qordaıdaǵy zaýytqa bardy.




Joǵary qaraı