Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev zańsyz demonstratsııaǵa shyǵatyndarǵa eskertý jasady

2021 jyldyń 21 qazan 2021 11:45

NUR-SULTAN. QazAqparat – Analar qoǵam aldynda óz jaýapkershiligin tereń sezinýi kerek. Bul týraly Qazaqstan halqy Assambleıasynyń keńeıtilgen otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Shyn máninde ana degenimiz - otbasynyń uıytqysy, ananyń orny erekshe. Ony bárimiz de bilemiz. Sondyqtan biz qoǵamda anaǵa degen qurmetti óte joǵary qoıýymyz kerek. Sonymen qatar analar da qoǵam aldynda óz jaýapkershiligin tereń sezinýi kerek. Keıbir kópbalaly analarymyz zańsyz erýlerge shyǵyp, aıqaı-shý kóterip, qoǵamdyq tártipti buzyp otyr», - dedi Memleket basshysy.

QR Prezıdenti masyldyqty - ózekti qoǵamdyq, tipti saıası problema dep ataýǵa bolatyndyǵyn basa aıtty.

«Biz «Beıbit jınalystar týraly» óte jaqsy zań qabyldadyq. Kim ne aıtsa da, bul - demokratııany damytý jolyndaǵy mańyzdy qadam. Beıbit jınalystar men demonstratsııalarǵa eshkim de kedergi keltirmeıdi. Onda bári jazylǵan. Resmı ruqsat alý qajet. Bul jınalystar, demonstratsııalar habarlandyrý rejıminde de ótkizile alady. Biraq, osynaý bolmashy talapty keıbir azamattar buzýǵa bolady dep esepteıdi. Osy tektes áreketterge quqyqtyq baǵa beriledi. Bas prokýrtýranyń mindeti - azamattarymyzǵa osy zańdy túsindirýdi jalǵastyrý, al barlyq quqyq qorǵaý organdarynyń mindeti qoǵamdyq tártipti, zańnamamyzǵa sáıkes qoldaý», - dedi Qasym-Jomart Toqaev.


Joǵary qaraı