Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaevtyń atyna AQSh Prezıdentinen hat kelip tústi

2021 jyldyń 1 qyrkúıek 2021 09:11

NUR-SULTAN. QazAqparat -Memleket basshysy Qasym-Jomart Toqaevtyń atyna AQSh Prezıdenti Djozef Baıdennen hat kelip tústi. Qazaqstan Prezıdentiniń atyna kelgen hatta Djozef Baıden Semeı ıadrolyq polıgonynyń jabylǵanyna otyz jyl tolýyna oraı quttyqtaýyn jetkizgen, dep habarlaıdy Aqorda.

«29 tamyz kúni Semeı ıadrolyq polıgonynyń jabylǵanyna 30 jyl tolýyna oraı Amerıka Qurama Shtattarynyń atynan Qazaqstan Respýblıkasynyń halqyna eń izgi quttyqtaýymdy bildirgim keledi. Amerıka Qurama Shtattary burynǵy synaq polıgony aımaǵyn qalpyna keltirý men onyń qaýipsizdigin qamtamasyz etý boıynsha Sizdiń Úkimetińizben aradaǵy jalǵasyp jatqan yntymaqtastyqty qosa alǵanda, Qazaqstanmen berik seriktestigin nyǵaıta bermek. Amerıka Qurama Shtattary Qazaqstannyń táýelsizdik alǵan alǵashqy kúninen bastap Semeı aımaǵynda áriptestik qarym-qatynasta jumystar atqaryp keledi», – dep jazdy AQSh Prezıdenti.

Djozef Baıden qaýip-qaterlerdi birlesip tómendetýge baǵyttalǵan Nann-Lýgar baǵdarlamasy aıasynda keńestik ıadrolyq synaq ınfraqurylymynan qalǵan murany joıý jolynda Qazaqstan men AQSh-tyń birigip jumys atqarǵanyn eske alyp, eki eldiń dostyǵyn atap ótti.

«Amerıka Qurama Shtattary Sizdiń elińizdi dos dep maqtana aıtady jáne men seriktestigimizdiń áleýetin tolyq ári jemisti iske asyrý úshin Sizben jumys isteýge daıynmyn», – delingen Djozef Baıdenniń hatynda.




Eske salsaq, 29 tamyz ıAdrolyq synaqtarǵa qarsy is-qımyldyń halyqaralyq kúni retinde atap ótiledi.

Elbasynyń 1991 jylǵy 29 tamyzdaǵy Jarlyǵymen Semeı ıadrolyq polıgony jabyldy.


Joǵary qaraı