Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qate qańtarylǵan kólikterdi avtomatty túrde anyqtaý júıesi aýlalardy qamtymaıdy

2022 jyldyń 13 mamyr 2022 17:30

NUR-SULTAN. QazAqparat – Elordadaǵy qate qańtarylǵan kólikterdi avtomatty túrde anyqtaý júıesi aýlalardy qamtymaıdy. Bul týraly Nur-Sultan qalasy polıtsııa departamentiniń baspasóz qyzmeti málim etti, dep habarlaıdy QazAqparat tilshisi.

«Jol qozǵalysy erejeleriniń buzylýyn tirkeýshi avtomatty júıe qazirgi tańda elordanyń búkil aýdandaryndaǵy joldardyń kóshedegi bóligine ǵana ornatylǵan. Turǵyn úılerdiń aýlalaryndaǵy ýchaskelerdi beınetirkeý qamtymaıdy», - dep jazdy departamenttiń baspasóz qyzmeti QazAqparat saýalyna joldaǵan jaýabynda.

Sondaı-aq, vedomstvo mamandary kólik quralyn durys qańtarmaǵany úshin ıelerine 3 aılyq eseptik kórsetkishten 15 AEK-ke deıin aıyppul salynýy múmkin ekenin eske saldy.

Buǵan deıin el astanasynda kóligin jol boıyna qaldyratyn júrgizýshilerge aıyppul salynatyny habarlanǵan edi.


Avtor Esimjan Naqtybaı
Basty sózder: Nur-Sultan, Qoǵam, Zań, Kólik, Ákimdik,
Joǵary qaraı