Aýa raıy
Astana -12 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Qaýipsiz jol: Aqmola oblysynda bir kúnde jol erejesiniń 677 ret buzylǵany anyqtaldy

2020 jyldyń 21 qarasha 2020 13:34

KÓKShETAÝ. QazAqparat- Aqmola oblysynda bir kúnde jol erejesiniń 677 ret buzylǵany anyqtaldy, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, 2020 jylǵy 18-20 qarasha aralyǵynda oblys aýmaǵynda «Qaýipsiz jol» respýblıkalyq jedel – aldyn alý sharasy ótti. Onyń maqsaty - jol-kólik oqıǵalaryna baılanysty jaǵdaıdy saýyqtyryp, jolda bolatyn apattardyń aldyn alý.

«Aktsııanyń birinshi kúni jol qozǵalysy erejeleriniń 677 ret buzylǵandyǵy anyqtaldy. Onyń ishinde 11 júrgizýshi mas kúıinde kólik júrgizgeni úshin ustaldy. Kólik júrgizý quqyǵynan aıyrylǵan 10 adamnyń rýlde otyrǵany, 56 jaǵdaıda jyldamdyqtyń shamadan asyrylǵany, 5 jaǵdaıda ruqsatsyz kólikti qaıta jabdyqtalǵany, 67 jaǵdaıda qaýipsizdik belbeýiniń taǵylmaǵandyǵy, 40 jaǵdaıda júrgizýshiniń rýlde uıaly telefonmen sóıleskendigi anyqtalyp, ákimshilik hattama toltyryldy. Sonymen birge, manevr jasaýdyń 24 oqıǵasy anyqtaldy, 36 júrgizýshi tehnıkalyq tekserýdiń bolmaǵany úshin jaýapqa tartyldy. Jolaýshylardy zańsyz tasymaldaýdyń bir jaǵdaıy tirkeldi. Arnaıy turaqqa 18 avto-moto-kólik quraly qoıyldy», - dedi vedomstovdan.

Aktsııa barsynda jaıaý júrginshilerdiń jol qozǵalysy erejelerin saqtaýyna da erekshe kóńil bólindi. Jedel aldyn alý is – sharasynyń birinshi kúni jol qozǵalysy erejesin buzǵan 116 jaıaý júrginshi jaýapqa tartyldy.

Tártip saqshylary jol qozǵalysynyń barlyq qatysýshylarynan jol qozǵalysy erejelerin múltiksiz saqtaýdy suraıdy!








Avtor Aslan Ospanov
Basty sózder: QR ІІM, Qoǵam, Aqmola oblysy,
Joǵary qaraı