Aýa raıy
Astana 9 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Kavasakı sındromy: Qazaqstandyq maman balalardy qorǵaý joldaryn aıtty

2020 jyldyń 28 qyrkúıek 2020 16:19

NUR-SULTAN. QazAqparat – «Pedıatrııa jáne balalar hırýrgııasy ǵylymı ortalyǵy» AQ basqarma tóraǵasy Rıza Boranbaeva balalarda tirkelip jatqan kavasakıge uqsas sındrom jaǵdaıyna qatysty túsinik berdi, dep habarlaıdy QazAqparat tilshisi.

«Osy jyldyń naýryz aıynan beri elde 2,5 myń bala koronavırýs juqtyryp aldy. Qazirgi ýaqytta balalardyń koronavırýspen aýyrý jaǵdaıy turaqty. Balalarda koronavırýs ınfektsııasynan keıin týyndaıtyn mýltıjúıeli qabyný sındromy nemese kavasakıge uqsas sındrom boıynsha da jaǵdaı turaqty. Qazirgi ýaqytta bul sındrommen tirkelgen balalardyń sany – 39. Olardyń 60 paıyzy emdelip, aýrýhanadan jazylyp shyqty. 40 paıyzy em alýda», - dep keltirilgen Rıza Boranbaevanyń sózderi coronavirus2020.kz-Telegram-ynda.

Ortalyq basshysynyń aıtýynsha, kavasakıge uqsas sındrom anyqtalǵan barlyq bala COVID-19-ben aýyrǵany tirkelýde. Onyń klınıkalyq belgileri – dene qyzýynyń 38 gradýsqa deıin kóteriledi. Temperatýra 24 saǵatqa deıin saqtalyp, paratsetamol, ıbýprofen sekildi ystyq túsiretin dárilerdiń áseri bolmaıdy. Sonymen birge denede bórtpe, ishtiń aýrýy, dıareıa sekildi belgiler paıda bolyp, tynys alý joldary zaqymdalady, jótel, tynys jetkiliksizdigi, entigý, júrek tusynyń aýyrýy, konıýktıvıt pen alaqannyń dombyǵyp isinýi baıqalady.

«Aýrýdy úıde emdeýdiń qajeti joq. Sebebi ol óte aýyr ótedi. Tipti keıde ıntensıvti reanımatsııalyq kómek te qajet bolýy múmkin. Sondyqtan osyndaı aýrý belgileri paıda bolsa birden ýchaskelik dárigerdi shaqyrý kerek», - deıdi maman.

Basqa aýrýdan qaraǵanda kavasakı barlyq jastaǵy balaǵa qaýip týdyrýy múmkin. Tipti 21 jasqa deıingi jastardan da anyqtalyp jatady.

Bul aýrýdyń aldyn alý úshin Rıza Boranbaeva mynadaı keńes beredi:

- epıdemııaǵa qarsy barlyq sharalar – maska rejımi men araqashyqtyq rejımin qatań saqtaý;

- adamdar kóp shoǵyrlanatyn jerlerge, balalar alańdaryna, saýda ortalyqtaryna barmaý;

- balalarǵa qolymen bet-júzin ustatpaı, qolyn jýýǵa úıretý;

- úıde oıynshyqtardy tazalaý;

- jedel vırýsty ınfektsııasynyń belgileri bar adamdarǵa jaqyndamaý;

- durys tamaqtanyp, denege qatty qysym túsirmeý.


Avtor Aıan Bekenuly
Basty sózder: Koronavırýs, Medıtsına, Qoǵam,
Joǵary qaraı